معروف پاکستانی گلوکار و اداکار علی ظفر نے اپنے نئے پشتو گانے ’لارشہ پخاورتا‘ کو پسند کرنے پر متحدہ عرب امارات میں رہنے والے پشتون بہن بھائیوں کے لئے خصوصی پیغام شیئر کیا ہے۔

معروف عربی جریدے خلیج ٹائم کے مطابق  پاکستانی گلوکار علی ظفرکا پشتو زبان میں ریلیز کیا گیا پہلا گانا ’لارشہ پخاورتا‘ صرف پاکستان میں ہی نہیں بلکہ متحدہ عرب امارات میں بھی بہت پسند کیا جارہا ہے۔

یہ گانا متحدہ عرب امارات میں ویڈیو شیئرنگ ایپ یوٹیوب کی میوزک کیٹیگری میں چوتھے نمبر پر ٹرینڈ کر رہا ہے۔

#AliZafar sends a special message to #KT readers. His song is trending at no 4 in #UAE on @youtubemusic.@AliZafarsays

Advertisement

Read: https://t.co/WUABZ9YTfV pic.twitter.com/dlP7W54ZOP

— Khaleej Times (@khaleejtimes) September 23, 2021

اپنے پہلے پشتون گانے کی اس کامیابی پر علی ظفر نے یو اے ای میں رہنے والے اپنے تمام پشتون بہن بھائیوں کو خصوصی پیغام دیتے ہوئے کہا کہ انہیں معلوم ہے کہ متحدہ عرب امارات میں بہت سارے پشتون بہن بھائی رہتے ہیں اور انہیں پوری امید ہے کہ آپ ’لارشہ پخاورتا‘ گانے کو بہت پسند بھی کر رہے ہیں اور اس سے محظوظ ہو رہے ہیں۔

خیال رہے کہ علی ظفر نےاپنے کیرئیر کا پہلا پشتو گانا ریلیز کر دیا ہے ، یہ خوشخبری انہوں نے سوشل میڈیا پیغام کے ذریعے دی تھی ۔

علی ظفر نے سماجی رابطے کی ویب سائٹ ٹوئٹر پر اپنے گانے کا مختصر ویڈیو کلپ شیئر کیا تھا جس میں گلوکار کے ساتھ معروف پشتون گلوکارہ گُل پانڑہ کو بھی دیکھا جاسکتا ہے۔

واضح رہے کہ علی ظفر اور گُل پانڑہ کے اس نئے گانے کا نام ’لاشار پخاور‘ ہے جس میں اُنہوں نے پشتون ثقافت کو بڑی خوبصورتی کے ساتھ دِکھایا ہے جبکہ یہ گانا گزشتہ روز پشتون کلچر ڈے کے موقع پر ریلیز کیا گیا تھا۔