پاکستانی اداکار گوہر رشید نے کہا ہے کہ وہ اپنی اصل زندگی میں  فلک شبیر جیسے شوہر بننا چاہتے ہیں ۔

تفصیلات کے مطابق اپنے ایک انٹرویو میں پاکستانی اداکار گوہر رشید نے بہت سے سوالون کا جواب دیا جن میںکیرئیر سمیت مختلف موضوعات پر گفتگو بھی کی تھی۔

اس دوران گوہر رشید نے خوبرو اداکارہ سارہ خان کے شوہر فلک شبیر کا تذکرہ کرتے ہوئے کہا کہ ’میں فلک سے بہت زیادہ متاثر ہوا ہوں۔‘

گوہر رشید نے کہا کہ ’انشاءاللّہ! زندگی میں جب بھی میری شادی ہوگی تو میں فلک شبیر کے جیسا شوہر بنوں گا کیونکہ میں اُن سے بےحد مُتاثر ہوا ہوں۔‘

اداکار نے کہا کہ ’ہمارے یہاں شوہر اپنی بیویوں سے بھی محبت کا اظہار کرتے ہوئے کتراتے ہیں، دُنیا کے سامنے بیوی کو پھول دینے سے ڈرتے ہیں، ویسے سارے کام کرلیتے ہیں لیکن جب بیوی سے اظہارِ محبت کی بات آتی ہے تو مرد یہ کام کرنے سے گھبراتا ہے۔‘

گوہر رشید نے کہا کہ ’فلک کو سارہ کا خیال رکھتا ہوا دیکھ کر بہت خوشی ہوتی ہے اور میں چاہتا ہوں کہ ہر مرد کو اپنی بیوی کا ایسے ہی خیال رکھنا چاہیے۔‘

اُنہوں نے کہا کہ ’میں نے خود اپنی آنکھوں سے دیکھا ہے، فلک سارہ کا بہت زیادہ خیال رکھتے ہیں، وہ سیٹ پر آتے ہیں تو سب کے سامنے اپنی اہلیہ کا خیال رکھ رہے ہوتے ہیں۔‘