زالے سرحدی اداکارہ پریانکا چوپڑا کی مشابہہ قرار

کلثوم ہرا

25th Sep, 2021. 09:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زالے سرحدی اداکارہ پریانکا چوپڑا کی مشابہہ قرار

پاکستانی اداکارہ و ماڈل زالے سرحدی نے پریانکا چوپڑا سے مشابہہ قرار دیے جانے پر کہا کہ ممکن ہے پریانکا اُن کی دور کی رشتہ دار ہوں۔

اداکارہ نے انسٹاگرام پر مداحوں سے سوال و جواب کا سیشن رکھا جس میں انہوں نے صارفین کے سوالوں کے دلچسپ جواب دیے۔

اسی سیشن میں ایک صارف نے لکھا کہ آپ پریانکا کی ہمشکل لگتی ہیں۔

جواب میں زالے نے لکھا کہ ان سے یہی بات پہلے بھی کئی لوگ ہزار بار کر چکے ہیں۔

انہوں نے اپنے جواب میں ازراہِ مذاق یہ بھی لکھا کہ ممکن ہے پریانکا چوپڑا میری دور کی رشتے دار ہوں۔

زالے سرحدی نے ایک انٹرویو میں یہ انکشاف کیا تھا کہ وہ بالی ووڈ اداکارہ پریانکا چوپڑا کا ڈپلیکیٹ کردار ادا کرچکی ہیں۔

زالے کا کہنا تھا کہ انہوں نے اس زمانے میں کام شروع کیا جب پاکستان میں ہندوستانی چینلز پر پابندی لگائی گئی تھی اور اسی عرصے میں پریانکا مس ورلڈ بنی تھیں۔

انہوں نے بتایا کہ اس وقت وہ ایک شو کر رہی تھیں لوگ سمجھے کہ وہ پریانکا ہیں اور ان دنوں زالے ایک بھارتی اداکار کے ساتھ کام کر رہی تھیں، جس نے ان کی تصاویر اپنے دوستوں اور ایجنٹ کو بھیج دیں، جس کے بعد ہندوستان سے رابطہ کیا گیا کہ وہ پریانکا کا ڈپلیکیٹ کردار ادا کریں۔

واضح رہے کہ زالے سرحدی نے 2012ء میں عامر انیس سے شادی کی تھی اور ان کی ایک بیٹی بھی ہے۔