آریان نے جرم کا اعتراف کرتے ہوئے کیا نئے انکشاف کردئیے؟

عروبہ خان

12th Oct, 2021. 01:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آریان نے جرم کا اعتراف کرتے ہوئے کیا نئے انکشاف کردئیے؟

منشیات کے کیس میں گرفتار آریان خان نے کروز پارٹی کے دوران نشہ آور اشیاء لینے کے حوالے سے اعتراف جرم کرلیا ہے۔

رپورٹس کے مطابق گرفتار آریان اور ان کے ساتھیوں سے پوچھ گچھ کے دوران پارٹی میں منشیات کے استعمال کرنے کا اعتراف کیا گیا ہے۔

رپورٹس میں بتایا گیا ہے کہ تفتیشی افسر نے آریان خان اور ارباز مرچنٹ سے سوال کیا کہ کیا ان کے پاس کوئی نشہ آور چیز ہے؟ سوال کے جواب میں ارباز مرچنٹ نے تسلیم کیا کہ ان کے پاس چرس ہے جو انھوں نے جوتوں میں چھپائی ہوئی ہے۔

میڈیا رپورٹس کے مطابق ارباز مرچنٹ سے 6 گرام چرس برآمد ہوئی، دوران تفتیش ارباز مرچنٹ نے این سی بی کو بتایا کہ وہ آریان خان کے ساتھ منشیات کا استعمال کرتے رہے ہیں۔

دوسری جانب آریان خان نے بھی تفتیش کے دوران چرس پینے کا اعتراف کرتے ہوئے بتایا کہ وہ کروز شپ پارٹی پر بھی ارباز مرچنٹ سے برآمد کی گئی منشیات استعمال کرنے کی منصوبہ بندی کر رہے تھے۔

آریان خان نے مزید بتایا ہے کہ وہ گزشتہ 4 سالوں سے منشیات لینے کے عادی ہیں اور اس پارٹی میں بھی وہ ایسا کرنے والے تھے۔

خیال رہے کہ اس کیس میں آریان خان اور ان کے ساتھیوں کو اب تک 2 مرتبہ عدالت میں پیش کیا جاچکا ہے جبکہ دنوں بار ان کی درخواست ضمانت مسترد کرتے ہوئے ان کا ریمانڈ منظور کیا گیا ہے۔