شاہ رخ خان کو ایک اور بڑا دھچکا لگ گیا؛ مداح افسردہ ہوگئے

عروبہ خان

21st Oct, 2021. 02:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہ رخ خان کو ایک اور بڑا دھچکا لگ گیا؛ مداح افسردہ ہوگئے

بالی وڈ کے کنگ، شاہ رخ خان کے بیٹے آریان خان کی درخواست ضمانت ایک بار پھر مسترد کردی گئی ہے۔

اس حوالے سے رپورٹس میں بتایا گیا ہے کہ گزشتہ روز ممبئی کی عدالت نے منشیات کیس میں گرفتار آریان خان سمیت 5 افراد کی درخواست ضمانت مسترد کردی تھی۔

بھارتی میڈیا کے مطابق سیشن کورٹ نے آریان خان کی درخواست ضمانت پر14 اکتوبر کو ہونے والی سماعت میں فیصلہ محفوظ کیا تھا جسے گزشتہ روز ہونے والی سماعت میں سنایا گیا۔

فیصلے کے مطابق این ڈی پی ایس کی خصوصی عدالت نے آریان کی کسٹڈی میں مزید توسیع کردی ہے جس کے بعد آریان آرتھر روڈ جیل میں ہی رہیں گے۔

ممبئی کی سیشن عدالت سے آریان خان کی درخواست ضمانت مسترد ہونے کے بعد ان کے وکیل بومبے ہائی کورٹ سے رجوع کریں گے۔

خیال رہے کہ بھارت کے نارکوٹکس کنٹرول بیورو (این سی بی) نے ممبئی میں جاری ایک کروز پارٹی میں موقع پر چھاپہ مار کر بالی ووڈ کنگ شاہ رخ خان کے صاحبزادے آریان خان سمت 10 نامور افراد کو منشیات استعمال کرنے کے الزام میں گرفتار کرلیا ہے۔

ان پر الزام ہے کہ انہوں نے اس پارٹی میں منشیات کا استعمال کیا جس پر انہیں ایک روزہ ریمانڈ پر این سی بی کے حوالے کردیا گیا ہے۔