آریان خان اور اننیا پانڈےکی واٹس ایپ چیٹ لیک ہوگئی

عروبہ خان

23rd Oct, 2021. 02:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آریان خان اور اننیا پانڈےکی واٹس ایپ چیٹ لیک ہوگئی

منشیات لینے کے الزام میں گرفتار آریان خان کیس کی تفتیش کے دوران ان کے موبائل سے ڈیٹا حاصل کیا گیا ہے جس میں معروف اداکارہ کے ملوث ہونے کا ثبوت ملتا ہے۔

اس حوالے سے جاری رپورٹ میں بتایا گیا ہے کہ دوران تفتیش ایسے شواہد ملیں ہیں جن سے ثابت ہوتا ہے کہ بالی وڈ کی اداکارہ اننیا پانڈے اور آریان خان کے درمیان گانجے کے لئے بندوبس کرنے پر بات کی گئی ہے۔

رپورٹ میں بتایا جارہا ہے کہ چیٹ سے انکشاف ہوا ہے کہ آریان نے اننیا سے پوچھا تھا کہ کیا گانجا کا کوئی انتظام ہوسکتا ہے؟ اس پر اننیا نے رضامندی کا اظہار کرتے ہوئے بتایا تھا کہ وہ انتظام کریں گی۔

بالی وڈ اداکارہ اننیا پانڈے کو گزشتہ صبح پوچھ گچھ کیلئے این سی بی دفتر طلب کیا گیا تھا جہاں ان سے تین گھنٹے پوچھ گچھ کی گئی۔

اداکارہ سے تفتیش اور آریان کے خلاف کی جانے والی تحقیقات میں این سی بی افسران نے اننیا سے آریان کے ساتھ ہوئی واٹس ایپ چیٹ پر بھی بات کی۔

پوچھ گچھ کے دوران یہی بات این سی بی افسران کی جانب سے اننیا سے پوچھی گئی تو اداکارہ کا کہنا تھا کہ وہ یہ مذاق کررہی تھیں۔