صنم چوہدری نے اپنے مداحوں کیلئے معنی خیز پوسٹ جاری کردی

کلثوم ہرا

14th Oct, 2021. 06:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صنم چوہدری نے اپنے مداحوں کیلئے معنی خیز پوسٹ جاری کردی

حال ہی میں اسلام کی خاطر شوبز انڈسٹری سے کنارہ کشی اختیار کرنے والی سابقہ اداکارہ صنم چوہدری نے اپنے مداحوں کے لئے معنی خیز پوسٹ شئیر کردی۔

اداکارہ نے سوشل میڈیا سائٹ انسٹاگرام پر اپنے مداحوں کے لئے معنی خیز اسٹوریز شیئر کیں جن میں اُنہوں نے کہا کہ ہم جتنا زیادہ پڑھ لکھ جاتے ہیں، ہمارے اندر تکبر بھی زیادہ آجاتا ہے اور غرور کرنا شیطان کا کام ہے۔

انہوں نے کہا کہ جبھی ہمارے لئے دین کا علم حاصل کرنا زیادہ ضروری ہے تاکہ ہم وہ علم اپنی اولاد میں منتقل کرسکیں۔

صنم چوہدری نے کہا کہ اگر ہم نے دینی تعلیم پر توجہ نہ دی تو ہم خود اپنے ہاتھوں سے اپنے بچوں کی آخرت خراب کرنے کے ذمہ دار ہوں گے ،یہ اوہ وقت ہے کہ جب ہمیں مسلمان سے مومن بننا ہے۔

سابقہ اداکارہ نے کہا کہ مسلمان اور مومن میں صرف ایک لفظ کا فرق ہے، مسلمان اللّہ تعالیٰ کو مانتا ہے جبکہ مومن اللّہ تعالیٰ کی مانتا ہے۔

واضح رہے کہ حال ہی میں صنم چوہدری نے اپنے انسٹاگرام اکاؤنٹ سے اپنی تمام تصاویر ڈیلیٹ کر دیں تھیں۔