بالی ووڈ کے سابق لیجنڈری اداکار عرفان خان کی اہلیہ ستاپا سکدر نے شوہر کی ادھوری خواہش کے بارے میں مداحوں کو بتادیا۔

انہوں نے سماجی رابطے کی ویب سائٹ فیس بُک پر اداکار کی 2017 کی پُرانی پوسٹ شیئر کی۔

پوسٹ شئیر کرتے ہوئے ستاپا سکدر نے فلم قریب قریب سنگل کا پوسٹر شیئر کیا۔

اداکار کی اہلیہ نے اپنی پوسٹ کے کیپش میں لکھا کہ جب اُنہیں نیند نہیں آتی تو سوشل میڈیا کا رُخ کرتی ہیں جو کہ پُرانی یادوں کو تازہ کردیتی ہے۔

ستاپا نے ساحر لدھیانوی کی مشہور سطروں کو یاد کرتے ہوئے تم ہوتے تو یہ ہوتا شیئر کیا کہ عرفان خان ہمیشہ سے اپنی زندگی میں کم از کم ایک بار انہیں پڑھنا چاہتے تھے۔

انہوں نے کہا کہ بچن صاحب کی مشہور آواز سُن کر عرفان خان حیران ہو جاتے تھے اور کہتے تھے یار مجھے اپنی زندگی میں ایک بار یہ سطر بولنے تھے لیکن قسمت کو کچھ اور ہی منظور تھا۔

اداکار کی اہلیہ نے کہا کہ عرفان دُنیا سے رخصت ہوگئے لیکن خواہش ادھوری رہ گئی، کچھ لوگ اتنے قریب ہوتے ہیں کہ وہ نہ ہوں تب بھی زندگی میں اتنے ہی قریب رہتے ہیں۔

واضح رہے کہ گزشتہ سال 29 اپریل کو ورسٹائل اداکار عرفان خان 53 سال کی عمر میں کولون انفیکشن کے باعث انتقال کر گئے تھے، عرفان خان کے لواحقین میں اہلیہ اور دو بیٹے ایان اور بابیل شامل ہیں۔