پاکستان کے کامیڈین کنگ اور لیجنڈری اداکار عُمر شریف کی اہلیہ زرین عمر نے کہا ہے کہ وہ اُن کے شوہر کی موت کی وجہ بننے والے لوگوں کو کبھی معاف نہیں کریں گی۔

زرین عمر نے اپنے انسٹاگرام اکاؤنٹ پر ایک ویڈیو شیئر کی ہے جس میں مختلف ناشتے اور عُمر شریف کو دیکھا جاسکتا ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by S Zareen Omer Sharif (@zareeenomer)

Advertisement

اس ویڈیو میں کچھ مناظر کامیڈین کنگ عمر شریف کے انتقال کے بعد کے بھی ہیں۔

ویڈیو شیئر کرتے ہوئے انہوں نے کیپشن میں لکھا کہ 40 دن سے میں نے ناشتہ اور کھانا نہیں بنایا، شادی کے وقت کھانا پکانا آتا ہی نہیں تھا سب عُمر کے لئے سیکھا صبح آپ کے لئے ناشتہ بنا کے ٹرالی سجا کر لانا اچھا لگتا تھا۔

اُنہوں نے کہا کہ اب میں ناشتہ نہیں بناتی، اب صبح اُٹھ کر چائے کا کپ سائیڈ ٹیبل پر نہیں رکھتی، اب صبح بیڈ روم کا ٹی وی آن نہیں کرتی، اب آپ کی کُرسی پر کوئی نہیں بیٹھتا۔

زرین نے لکھا کہ آپ کے انتقال کے بعد سے گھر میں اور زندگی میں سب بدل گیا ہے۔

عُمر شریف کی اہلیہ نے لکھا کہ موت تو آنی ہے، مجھے بھی آئے گی لیکن میں اُن لوگوں کو کبھی معاف نہیں کروں گی جو آپ کی موت کی وجہ بنے ،جو ساری دنیا کو ہنساتا تھا، اُس کو جس نے رُلایا، میں اُن کو معاف نہیں کروں گی۔

زرین نے لکھا کہ ان کو اللّہ تعالیٰ معاف نہیں کرے گا، 40 دن پہلے شادی شدہ تھی اور آج بیوہ ہوں، میں کسی کو معاف نہیں کروں گی۔

واضح رہے کہ ڈیڑھ ماہ قبل شدید علالت کے بعد لیجنڈ کامیڈین عمر شریف کو جرمنی کے اسپتال میں انتقال کر دیا گیا تھا۔

عمر شریف کافی عرصے سے عارضہ قلب، گردے اور دیگر مختلف بیماریوں میں مبتلا تھے۔