سینئر اداکارہ بشریٰ انصاری کا کہنا ہے کہ انہیں تین بالی ووڈ فلموں میں کام کرنے کی پیشکش ہوئی تھی۔
بشریٰ انصاری نے نجی ٹی وی چینل کے ایک شو میں بطور مہمان شرکت کی۔
اداکارہ نے دوران شو میزبان کے سوال کا جواب دیتے ہوئے بتایا کہ کچھ سال قبل انہیں تین بالی ووڈ فلموں کی پیشکش ہوئی تھی۔
انہوں نے بتایا کہ فلم دل دھڑکنے دو میں ان سے اداکار انیل کپور کی بیوی کا کردار ادا کرنے کے لئے رابطہ کیا گیا تھا جسے بعد میں شیفالی شاہ نے ادا کیا تھا۔
انہوں نے بتایا کہ وہ اس پراجیکٹ کا حصّہ ہوتیں لیکن اس فلم کی اسکرپٹ کے حوالے سے کچھ غلط فہمیاں ہوگئی تھیں۔
Advertisement
بشریٰ انصاری نے بتایا کہ دو سال قبل انہیں بھارت کے بڑے پروڈکشن ہاؤس کی طرف سے ایک بڑے بجٹ کی فلم میں اکشے کمار کی ماں کا کردار ادا کرنے کی پیشکش ہوئی تھی جو کہ بھارتی ہدایتکار کرن جوہر کی فلم کیسری تھی۔
اداکارہ بشریٰ انصاری کا کہنا تھا کہ انہیں پہلی بالی ووڈ پیشکش 2003 میں آرٹ فلم خاموش پانی کے لئے ہوئی تھی اور وہ اپنی خاندانی زندگی خصوصاً اپنی بیٹی کی تعلیم کی وجہ سے اسے سائن نہیں کر سکی تھیں اور پھر اس فلم میں ان کی جگہ بالی ووڈ اسٹار کرن کھیر نےکام کیاتھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
