بالی ووڈ کنگ شاہ رخ خان نے اپنی فلموں کی دوبارہ شوٹنگ کا آغاز کرنے کے لئے ہدایتکاروں کے سامنے کچھ شرائط رکھ دی ہیں۔

بھارتی میڈیا رپورٹس کے مطابق شاہ رخ خان کے خاندان کے ایک قریبی ذرائع نے بتایا کہ شاہ رخ خان نے ایک بڑے شیڈول کے بجائے بھارت سے باہر فلموں کے شیڈول کو چھوٹے حصوں میں رکھنے کی شرط رکھی ہے۔

انہوں نے ہدایتکاروں سے درخواست کی کہ وہ شوٹنگ کی منصوبہ بندی اس طرح کریں کہ دوسرے فنکاروں کے ساتھ حصہ ان کے دور رہتے ہوئے بھی شوٹ کیا جا سکے تاکہ وہ شوٹنگ کے دوران بھی ہر وقت اپنے خاندان کے ساتھ رہ سکیں۔

ذرائع نے مزید دعویٰ کیا کہ شاہ رخ خان حالیہ واقعے کے بعد آریان اور ان کے خاندان کے لئے بہت زیادہ محتاط ہوگئے ہیں لہٰذا اُنہوں نے شوٹنگ کے دوران بھی اپنے اہلخانہ کو اپنے ساتھ رکھنے کے بارے میں سوچا ہے۔

بھارتی میڈیا رپورٹس کے مطابق شاہ رخ خان اپنے بیٹے آریان کے لئے ایک باڈی گارڈ کی تلاش میں ہیں جو روی سنگھ کی طرح ہر وقت اس کی حفاظت کرے۔

واضح رہے کہ گزشتہ ماہ 2 اکتوبر کو نارکوٹکس کنٹرول بیورو (این سی بی) کی جانب ممبئی کروز شِپ پر چھاپہ مارا گیا جہاں بالی ووڈ کنگ شاہ رخ خان کے بڑے بیٹے آریان خان کو اُن کے دوستوں سمیت منشیات استعمال کرنے کے الزام میں حراست لیا گیا تھا۔