بھارت کی نامور اداکارہ پریانکا چوپڑا نے انسٹاگرام پر اپنے نام سے نک جونس کا نام ہٹا دیا ہے ۔

سوشل میڈیا شیئرنگ ایپ انسٹاگرام پر اداکارہ پریانکا کے آفیشل اکاؤنٹ پر ان کا نام پریانکا نک جونس تھا جو کہ اب تبدیل کرلیا گیا ہے۔

پریانکا کے انسٹاگرام اکاؤنٹ پر اُن کا نام ’پریانکا نِک جونس‘ تھا جو انہوں نے تبدیل کرکے نِک کا نام ہٹا دیا ہے۔

نام تبدیل کرنے پر فی الحال اداکارہ اور ان کے شوہر کی جانب سے کوئی صفائی پیش نہیں کی گئی ہے اور نا ہی کوئی ردعمل سامنے آیا ہے۔

تاہم قیاس آرائیاں جاری ہیں کہ پریانکا چوپڑا نے اپنے شوہر نک سے علیحدگی اختیار کرلی ہے۔

خیال رہے کہ اس سے قبل بھارتی فلمی مبصر کمال راشد خان المعروف کے آر کے نے بالی ووڈ اداکارہ پریانکا چوپڑا کی شوہر نک جونس سے طلاق کے حوالے سے بڑی پیشگوئی کی تھی۔

انہوں نے اپنے ایک ٹوئٹ میں پریانکا اور نِک جونس سے متعلق پیشگوئی کرتے ہوئے کہا تھا کہ آئندہ 10 برسوں میں نِک اپنی اہلیہ پریانکا کو طلاق دے دیں گے۔

کے آر کے کی جانب سے کی جانے والی بیشتر پیشگوئیاں سوشل میڈیا پر زیرگردش ہیں جس پر صارفین نے بھی بڑی تعداد میں ردعمل دئے تھے۔

ایک صارف نے کہا کہ اس شادی کا 10 برس مزید چلنا مشکل ہے، اور وہ دونوں یہ پہلے سے جانتے ہیں۔

خیال رہے کہ دسمبر 2018 میں پریانکا چوپڑا نے امریکی گلوکار نک جونس سے شادی کی تھی۔