بالی ووڈ اسٹار سلمان خان نے بھارت میں مسلم کمیونٹی کے لئے کورونا ویکسین سے متعلق ویڈیو پیغام جاری کردیا۔
اداکار نے بھارتی ریاست مہاراشٹر کی حکومت کی مدد کرنے کے لئے ویڈیو پیغام میں کہا کہ ہم سب جانتے ہیں کہ پچھلے ڈیڑھ سال سے کورونا وائرس نے پوری دنیا میں کہرام مچا کر رکھا ہے جس کو روکنے کے لئے ویکسین ہی ایک ہتھیار ہے۔
انہوں نے کہا کہ ویکسین کے بارے میں افواہیں نہ پھیلائیں اور یاد رکھیں کہ ویکسین لگوا کر آپ صرف اپنے آپ کو ہی نہیں بلکہ اپنے خاندان، معاشرے اور ملک کو بھی محفوظ کر سکتے ہیں۔
سلمان خان نے درخواست کی سب لوگ جلد سے جلد کورونا وائرس سے بچاؤ کی ویکسین لگوائیں۔
خیال رہے کہ گزشتہ روز بھارتی میڈیا رپورٹس میں کہا جارہا تھا کہ مہاراشٹر کی حکومت نے بالی ووڈ اسٹار سلمان خان اور دیگر مذہبی رہنماؤں سے مسلم کمیونٹی کو کورونا ویکسین لگوانے پر راضی کرنے کے لئے مدد طلب کرلی ہے۔
Advertisement
رپورٹ کے مطابق صوبائی وزیر صحت راجیش ٹوپے نے بالی ووڈ اسٹار سے مدد لینے کے اقدام کا اشارہ دیا تھا تاکہ مسلم اکثریتی علاقوں میں کورونا وائرس سے بچاؤ کے لئے لوگوں کو ویکسین لگوانے کے لئے آمادہ کیا جاسکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
