پاکستانی میزبان و اداکارہ صنم جنگ کی تصاویر سوشل میڈیا پر وائرل ہو گئی ہیں۔

اداکارہ نے فوٹو اینڈ ویڈیو شئیرنگ ایپ انسٹاگرام پر اپنی نئی تصاویر پوسٹ کی ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Sanam Jung (@jung_sanam)

Advertisement

شئیر کی گئی تصاویر میں دیکھا جاسکتا ہے کہ صنم جنگ سی گرین کلر کا خوبصورت لباس زیب تن کی ہوئی ہیں۔

ان تصاویر میں اداکارہ بے حد خوبصورت لگ رہی ہیں جسے مداحوں کی جانب سے بہت پسند کیا جارہا ہے اور تعریفوں کا سلسلہ بھی جاری ہے۔

گزشتہ دنوں اداکارہ نے اپنی طلاق سے متعلق خبروں پر خاموشی توڑدی تھی۔

صنم جنگ سے انسٹاگرام پر ایک صارف نے سوال پوچھا تھا کہ وہ اپنے شوہر قسام جعفری سے اتنا دور کیوں رہتی ہیں اور وہ اب 3 ماہ کے بعد آئے ہیں؟

صارف نے لکھا کہ کیا اداکارہ کو نہیں لگتا کہ اُن کے اپنے شوہر سے دور رہنے سے اُن کی بیٹی پر اثر پڑے گا۔

جس پر ایک اور انسٹا صارف نے لکھا تھا کہ صنم جنگ کی شوہر سے دور رہنے کی وجہ یہ ہے کہ وہ پائلٹ ہیں۔

اداکارہ صنم جنگ نے وضاحت دینے والے صارف کا شکریہ ادا کرتے ہوئے لکھا تھا کہ وضاحت دینے کے لئے شکریہ کیونکہ میری تو اب ہمت ختم ہوگئی ہے۔

واضح رہے کہ رواں سال کے آغاز سے صنم جنگ کی شوہر قسام جعفری سے طلاق کی خبریں سوشل میڈیا پر گردش کررہی ہیں اور اِن خبروں کی اداکارہ کی جانب سے بارہا تردید بھی کی گئی ہے۔

گزشتہ دنوں اداکارہ نے اپنے ایک انٹرویو کے دوران بتایا تھا کہ ان کے شوہر کا نام قسام ہے اور وہ پیشے کے تحت ایک پائلٹ ہیں ۔

صنم کا کہنا تھا کہ قسام ان کے بچپن کے دوست ہیں اور ان کی دوستی اسکول میں ہوئی تھی۔

اداکارہ نے بتایا ہے کہ درمیان میں ان کے اسکول تبدیل بھی ہوئے مگر بعد میں پھر وہ ایک دوسرے سے ملے اور تب تک وہ بڑے ہو چکے تھے اور ان کے تعلقات بھی اچھے ہوگئے۔

میزبان کے مطابق ان کی طرح ان کے خاندان والے بھی ایک دوسرے کو جانتے تھے تو اس لیے ان کی شادی میں کوئی مشکل نہیں ہوئی تھی۔

یاد رہے کہ صنم جنگ کی شادی 2016 میں ہوئی تھی اور ان کی شادی کو  تقریباً 5 سال کا عرصہ گزر چکا ہے اور ان کی ایک بیٹی بھی ہے جس کا نام علایہ جعفری ہے۔