پاکستان کے سینئر اداکار عدنان صدیقی نے سیالکوٹ واقعے پر افسوس کا اظہار کرتے ہوئے کہا کہ اس واقعے کے بعد مجھے پاکستانی ہونے کے ناطے شرم آتی ہے۔

اداکار نے سماجی رابطے کی ویب سائٹ ٹوئٹر پر ایک پیغام جاری کیا۔

Ashamed as a Pakistani. Mob shouldn’t be let to run amok and take law in its hands. Allah would never want an innocent man killed with such brutality. We didn’t uphold his teachings with this abominable cruelty.

— Adnan Siddiqui (@adnanactor) December 5, 2021

انہوں نے کہا کہ اللّہ تعالیٰ نے یہ حکم نہیں دیا کہ کسی بےگناہ انسان کو اتنی بےدردی سے قتل کیا جائے۔

عدنان صدیقی کا کہنا تھا کہ ہجوم کو ہنگامہ آرائی اور قانون کو ہاتھ میں لینے کی اجازت نہیں دی جانی چاہئیے۔

اداکار نے کہا کہ ہم نے اس ظلم کے ساتھ دینِ اسلام کی تعلیمات کو برقرار نہیں رکھنا۔

یاد رہے کہ حال ہی میں سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا تھا۔

مشتعل افراد نے لاش کو سڑک پر گھسیٹا اور آگ لگادی  تھی اور دعویٰ کیا کہ مقتول نے مبینہ طور پر مذہبی جذبات مجروح کیے تھے، مشتعل افراد نے فیکٹری میں توڑ پھوڑ بھی کی۔

سانحہ سیالکوٹ کی پولیس تحقیقات جاری ہیں، دوران تحقیقات اب تک 110 افراد کی شناخت ہوگئی ہے، جن میں 13 مرکزی ملزمان ہیں، ملزمان طلحہ اور فرحان نے پولیس کے سامنے اپنے جرم کا اعتراف کرلیا ہے۔

پولیس رپورٹ کے مطابق مرکزی ملزم فرحان ادریس گرفتار ہے جبکہ گرفتار ملزم جنید جلتی لاش کے ساتھ سیلفی لیتے دیکھا گیا۔