بھارت کی معروف اداکارہ انوشکا شرما کی ورک آؤٹ کے دوران لی گئی سیلفی سوشل میڈیا پر وائرل ہو گئی ہے۔

اداکارہ نے فوٹو اینڈ ویڈیو شئیرنگ ایپ انسٹاگرام اسٹوری پر اپنی سیلفی پوسٹ کی ہے۔

شئیر کی گئی تصویر میں دیکھا جاسکتا ہے کہ اداکارہ نے یہ تصویر جم میں ورک آؤٹ کے دوران لی ہے۔

اس تصویر کو شئیر کرتے ہوئے انہوں نے کیپشن میں لکھا کہ تھوڑا ورک آؤٹ تھوڑا پوز۔

اس سے قبل اداکارہ نے میڈیا اور دیگر پاپارازی کا شکریہ ادا کرتے ہوئے ایک پوسٹ شیئر کی تھی۔

انوشکا شرما نے اپنے سوشل اکاؤنٹ کی اسٹوری پر ایک پوسٹ جاری کی تھی جس میں میڈیا کا شکریہ ادا کیا گیا تھا۔

انوشکا شرما نے اپنے پوسٹ میں لکھا تھا کہ ہم نے بطور والدین  وامیکا کی لی جانے والی تصاویر منظر عام پر  نہ لانے کی درخواست کی تھی جسے پورا کیا گیا۔

انہوں نے کہا تھا کہ ہم نہیں چاہتے تھے کہ وامیکا کو منظر عام پر لایا جائے لیکن کسی نا کسی صورت وہ لوگوں کی نظروں میں آجاتی ہے۔

اداکارہ نے کہا تھا کہ میں اپنے تمام فینز اور میڈیا کے لوگوں کا شکریہ ادا کرنا چاہتی ہوں کہ جنہوں نے ہماری درخواست پر  وامیکا کی تصاویر کو سوشل میڈیا پر پوسٹ نہیں کیا اور آگے بھی توقع کرتے ہیں کہ ایسا ہی ہوگا۔

اداکارہ کا کہنا تھا کہ ہر ایک کو اپنی زندگی اپنی مرضی کے مطابق گزارنے کا حق ہے اور ہم امید کرتے ہیں کہ ہمراے فینز اور فالوورز بھی ہماری پرائیوسی اور ذاتی زندگی کا خیال رکھیں گے۔