زارانورعباس معصوم چہرہ لئے پاکستانی ڈرامہ انڈسٹری کی ایک باصلاحیت اداکارہ ہیں۔ انہوں نے کئی  ڈراموں میں بہترین اداکاری کے جوہر دکھائیں۔

 ان کے مشہور ڈراموں میں خاموشی، عہد وفا اور زیبائش قابل ذکر ہیں، جبکہ زارا دوفلموں پرے ہٹ لو اور چھلاوا میں بھی اداکاری کر چکی ہیں جس نے باکس آفس پر کافی اچھا بزنس کیا ہے۔

اسی طرح زارا کے شوہر اسد صدیقی بھی ایک بہترین اداکار ہیں۔ اسد نے بھی کئی مقبول ڈراموں جیسے عینی کی آئے گی بارات، دریچہ، میری ماں، شکوہ، رخصتی اور خدا دیکھ رہا ہے میں جاندار اداکاری سے اپنا لوہا منوایا۔

زارااور اسد نے 2018 میں شادی کی تھی اور یہ خوبصورت جوڑا اپنی شادی کی چوتھی سالگرہ منارہا ہے۔

زارا اور اسد نے شادی کی سالگرہ تصاویرسوشل میڈیا پر اپنے مداحوں کے ساتھ شیئرکی ہیں جس میں دیکھا جاسکتا ہے کہ دونوں بہت خوش دکھائی دے رہیں۔

اس موقع پر اسد نے زارا کو مخاطب کرتے ہو ئے ایک بہت ہی خوبصورت تحریر لکھی ہے۔

جس میں انہوں نے اپنی شریک حیات کو مخاطب کرتے ہوئے پیار کا اظہار کیا ہے اور شادی کی چوتھی سالگرہ کی مبارک باد بھی دی اورکہا ہے کہ ان تمام سالوں میں مجھے برداشت کرنے کاشکریہ، آپ ہمیشہ اسی طرح میرا ساتھ دیتی رہیں۔