حمائمہ ملک کا اپنے شوبز کیریئر سے متعلق اہم انکشاف

ویب ڈیسک

14th Dec, 2021. 07:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حمائمہ ملک کا اپنے شوبز کیریئر سے متعلق اہم انکشاف

پاکستان کی نامور اداکارہ حمائمہ ملک نے اپنے شوبز کیریئر سے متعلق ایک اہم انکشاف کیا ہے۔

اداکارہ نے حال ہی میں ایک انٹرویو کے دوران اپنی نجی و پیشہ ورانہ زندگی سے متعلق بات کرتے ہوئے اپنے مداحوں کو کیریئر کے دوران پیش آنے والی مشکلا ت سے آگاہ کیا۔

حمائمہ ملک نے میزبان کی جانب سے پوچھے گئے سوال کے جواب میں بتایا کہ انہوں نے بہت چھوٹی سی عمر میں ہی شہرت حاصل کر لی تھی اور ماڈلنگ کے ذریعے اپنے کیریئر کا آغاز کیا تھا۔

انہوں نے بتایا کہ 14 سال کی عمر میں اُنہیں لوگ جاننے لگ گئے تھے اور اُن دِنوں سوشل میڈیا بھی نہیں تھا مگر اُن کے کام کو پہچان مل گئی تھی۔

حمائمہ ملک کا کہنا تھا کہ وہ شروع ہی سے بہت بولڈ رہی ہیں۔

اداکارہ نے بتایا کہ انہوں نے کبھی کوئی ڈانس کلاس نہیں لی مگر اُن کی ڈرامہ ڈائریکٹر نے اُنہیں ایک گانے پر ڈانس کرنے کو کہا تھا اور کیوں کہ اُنہیں شوق تھا اسی لیے انہوں نے پاکستانی ڈرامے کے گانے میں ڈانس بھی باآسانی کر لیا۔