بھارتی اداکارہ کرینہ کپور نے کورونا کے اومیکرون ویرینٹ کو شکست دے دی ہے۔

اداکارہ نے فوٹو اینڈ ویڈیو شئیرنگ ایپ انسٹاگرام پوسٹ میں اپنے اور دوست امریتا اروڑا کے کورونا وائرس سے نجات کی خبر شیئر کی ہے۔

اداکارہ نے پوسٹ میں بتایا کہ سیف علی خان میری بیماری کے دوران ہوٹل میں مقیم رہے، اپنے خاندان کی صحت کی خاطر انہوں نے صبر کا مظاہرہ کیا۔

انہوں نے کہا کہ کورونا سے نجات اہل خانہ، دوستوں اور مداحوں کی محبت اور دعاؤں کے بدولت ممکن ہوئی ہے جس پر اُن کا شکر ادا کرتی ہوں۔

کرینہ کپور نے کہا کہ میں نے اور امریتا نے یہ کر دکھایا، اس ڈرا دینے والے دورانیے میں میری پیاری بہن نے بہت معاونت کی، اس کی بھی شکر گزار ہوں۔

اداکارہ نے کہا کہ اب میں وباء سے صحتیاب ہوچکی ہوں تو اپنے بچوں تیمور اور جیہ کو خوب پیار کروں گی۔

انہوں نے پوسٹ میں سب کو کرسمس کی مبارک باد دی اور ساتھ ہی تجویز دی کہ اپنے بچوں کو اس انداز میں پیار کریں جیسے پہلے کبھی نہیں کیا۔

کرینہ کپور نے قرنطینہ کے باعث تیمور کی سالگرہ مس کردی تھی تاہم انہوں نے اپنے بیٹے کی ایک پرانی ویڈیو انسٹاگرام پر شیئر کی تھی۔

واضح رہے کہ کرینہ کپور خان کو رواں ہفتے کورونا کی تشخیص ہوئی تھی جس کے بعد انہوں نے خود کو قرنطینہ  کرلیا تھا۔

کورونا کی تشخیص کے بعد ان کی فیملی اور رابطے میں رہنے والے تمام عزیزوں کا بھی کورونا ٹیسٹ کروایا گیا جو کہ منفی آیا۔

بی ایم سی کی جانب سے اداکارہ کے گھر کو بھی سینیٹائز کر کے سیل کردیا گیا تاہم کرینہ کے لئے جلد صحتیابی کی دعائیں کی جارہی ہیں۔

اس سے قبل کرینہ کپور خان نے قرنطینہ میں اپنے آخری 2 روز کی گنتی شروع کردی تھی۔

اس حوالے سے اپنے سوشل میڈیا اکاؤنٹ کی اسٹوری پر ایک پوسٹ بھی جاری کی ہے ۔

اس پوسٹ میں اداکارہ نے لکھا کہ قرنطینہ میں ان کے 12 دن گزر چکے ہیں اور اب صرف 2 دن رہ گئے ہیں۔

اس کے ساتھ  ہی اداکارہ نے سب کو اپنی حفاظت کرنے اور اس وباء سے محفوظ رہنے کی ہدایت کی تھی۔

انہوں نے قرنطینہ کے دوران لی جانے والی سیلفی بھی شیئر کی تھی جس میں وہ خوب تیار ہوئی نظر آرہی تھیں۔

اس تصویر کو شیئر کرتے ہوئے اداکارہ نے لکھا کہ پاجامہ، لپ اسٹک اور سیلفی کے لئے پاؤٹ ایک بہترین ملاپ ہے۔

یاد رہے کہ کرینہ کپور 13 دن قرنطینہ میں گزارے تاہم انہوں نے اب اپنا اومیکرون کا ٹیسٹ کروایا جس کی رپورٹ میں ٹیسٹ کا رزلٹ  منفی آیا ہے۔