پاکستان کے سینئر اداکار عدنان صدیقی کا ساتھ دینے کے لئے پاکستان کے معروف اداکار فہد مصطفیٰ بھی میدان میں آگئے۔

عدنان صدیقی نے گزشتہ روز شوبز چھوڑنے کا اشارہ دیا تھا جس پر  فہد مصطفیٰ نے ردعمل دے دیا۔

اداکار فہد مصطفیٰ نے لکھا کہ میں آپ کے ساتھ ہوں عدنان بھائی۔

واضح رہے کہ حال ہی میں اداکار کے ایک بیان نے مداحوں کو پریشانی میں مبتلا کردیا تھا جس میں انہوں نے اداکاری کو خیرباد کہنے کی بات کی تھی۔

Advertisement

Inspired by Elon Musk, I am also thinking of quitting acting and taking up something else as profession. Suggestions?

— Adnan Siddiqui (@adnanactor) December 17, 2021

اداکار عدنان صدیقی نے اپنے بیان میں کہا تھا کہ میں ایلون مسک سے کافی متاثر ہوا ہوں اور اداکاری چھوڑ کر کوئی دوسرا پیشہ اختیار کرنے کا سوچ رہا ہوں۔

اس پیغام میں اداکار نے اپنے مداحوں اور چاہنے والوں سے اس سے متعلق مشورہ بھی مانگا تھا ۔

دوسری جانب عدنان صدیقی کے اس پیغام پر صارفین نے ملے جلے ردعمل دیتے ہوئے اپنے تاثرات کا اظہار کیا تھا۔

ایک صارف کا کہنا تھا کہ کیا ہم آپ کو مارس پر بھیج دیں؟ دوسرے صارفین نے اداکاری چھوڑنے سے صاف انکار کردیا تھا ۔

یاد رہے کہ عدنان صدیقی پاکستان کے ان چند اداکاروں میں سے ایک ہیں جنہوں نے ہالی ووڈ اور بالی ووڈ میں بھی اپنی اداکاری کے جوہر دکھائے ہیں۔

انہوں نے 2007 میں انجلینا جولی اور عرفان صدیقی کے ساتھ فلم ’اے مائٹی ہارٹ‘ میں کام کیا۔

بعدازاں عدنان صدیقی نے 2013 میں بولی وڈ فلم ’مام’ میں بھی کام کیا جس کی کاسٹ میں پاکستانی اداکارہ سجل علی اور بھارت کی آنجہانی اداکارہ سری دیوی شامل تھیں۔