بالی ووڈ انڈسٹری میں’’بیڈ مین‘‘ سے مشہور 66 سالہ اداکار گلشن گروور حال ہی میں سوریاونشی ریلیز کے دن فلم دیکھنے گئے تو انہیں تھیٹر میں سیکیورٹی نے روک دیا۔

بھارتی میڈیا رپورٹس کے مطابق گلشن گروور نے اپنی فلم سوریاونشی کی ریلیز کے دن تھیٹر جانے کے اپنے تجربے کے بارے میں بتاتے ہوئے انکشاف کیا کہ سیکیورٹی نے انہیں اندر نہیں جانے دیا اور واپس بھیج دیا۔

’’بیڈ مین‘‘ نے کہا کہ تھیٹر میں بہت ہجوم تھا اس لئے انہیں اندر نہیں جانے دیا گیا لیکن انہوں نے اس ہجوم کی ویڈیو اکشے کمار اور روہت شیٹی کو بھیجی تھی۔

گلشن گروور نے کہا میں بہت خوشی محسوس کر رہا تھا کہ سوریاونشی نے مداحوں کو تھیٹروں میں واپس لایا۔

انہوں نے کہا کہ ڈائریکٹر روہت شیٹی، اکشے کمار، کترینہ کیف، سب کا کام پسند آیا، سنیما گھر میں بہت بھیڑ تھی کہ میرے لیے اور میری کار کے لیے وہاں حرکت کرنا ناممکن تھا۔

گلشن گروور نے کہا کہ سیکیورٹی کو کس طرح مجھے اپنی کار میں بٹھانا پڑا اور مجھے وہاں سے یہ کہتے ہوئے نکالنا پڑا کہ آپ یہاں فلم نہیں دیکھ سکتے میں نے اکشے اور روہت کے ساتھ اس ہجوم کی ویڈیو بھی شیئر کی تھی۔

واضح رہے سوریاونشی 5 نومبر 2021 کو ریلیز ہوئی تھی اور عالمی باکس آفس پر ناقابل یقین حد تک اچھا پزنس کیا تھا۔

روہت شیٹی کی ہدایت کاری میں بننے والی اس فلم میں اکشے کمار، کترینہ کیف، اجے دیوگن اور رنویر سنگھ  کے ساتھ گلشن گروور بھی بلاک بسٹر فلم کا حصہ تھے۔