اداکارہ و میزبان نادیہ خان کو پیپلز پارٹی کی رہنما شرمیلا فاروقی کی والدہ انیسہ فاروقی کا مذاق اُڑانا مہنگا پڑ گیا۔

نادیہ خان کو پاکستان پیپلز پارٹی کی رہنما شرمیلا فاروقی کی والدہ انیسہ فاروقی کا مذاق اُڑانا مہنگا پڑگیا اور رکن سندھ اسمبلی نے ہرجانے نوٹس بھیج دیا۔

رکن سندھ اسمبلی شرمیلا فاروقی نے نادیہ خان کو ہرجانے نوٹس بھیج دیا جس میں نادیہ خان کو معافی مانگنے اور 15 دن میں اپنے یوٹیوب چینل سے والدہ انیسہ فاروقی سے متعلق ویڈیو ہٹانے کا مطالبہ کیا گیا ہے۔

نوٹس میں کہا گیا ہے کہ ویڈیو نہ ہٹانے اور معافی نہ مانگے پر 5 کروڑ روپے ہرجانے اور عدالتی کارروائی کا آغاز کیا جائے گا۔

نوٹس میں کہا گیا کہ شرمیلا فاروقی نے نادیہ خان کے خلاف ایف آئی اے کو بھی کارروائی کے لیے درخواست دے رکھی ہے۔

یاد رہے 19 جنوری کو نادیہ خان نے شرمیلا فاروقی کی والدہ کے ساتھ  سوشل میڈیا پر خوب وائرل ہوگئی ہے۔

نادیہ خان نے انیسہ فاروقی کے میک اپ کے بارے میں پوچھا کہ اتنا حسین میک اپ کس نے کیا اور اس کے ساتھ ہی ان کے کپڑے اور جیولری کی بھی تعریف کی۔

سوشل میڈیا پر شیئر ہوتے ہی یہ ویڈیو وائرل ہوگئی اور صارفین کی جانب سے نادیہ خان کو شدید تنقید کا سامنا نشانہ بنایا گیا۔

دوسری جانب شرمیلا فاروقی کو نادیہ خان کی جانب سے ان کی والدہ کا مذاق اڑانا ناگوار گزرا انہوں نے نادیہ خان کے خلاف سائبر کرائم میں شکایت درج کرادی تھی۔