بالی ووڈ اداکارہ انوشکا شرما کی بیٹی وامیکا نے ماں بولنا سیکھ لیا ہے جس کی ویڈیو سوشل میڈیا پر وائرل ہو گئی ہے۔

اداکارہ کی جانب سے فوٹو اینڈ ویڈیو شئیرنگ ایپ انسٹاگرام کی اسٹوری پر اپنی بیٹی وامیکا کی ویڈیو شئیر کی گئی تھی جسے اداکارہ کے مداح نے دوبارہ شیئر کردیا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Anushka Sharma ❤️💫 (@anushkasharma.instaa)

Advertisement

اپنی اسٹوری پر ویڈیو شیئر کرتے ہوئے اداکارہ نے لکھا تھا کہ یہ میری سال 2021 کی آخری شام بہترین انداز میں گزارنے کا طریقہ ہے۔

صارف نے ویڈیو شئیر کرتے ہوئے لکھا کہ ایک والدہ کو اس سے زیادہ اور کوئی چیز خوش نہیں کرسکتی جب اس کا بچہ اسے پہلی مرتبہ ماں کہہ کر پکارے۔

شئیر کی گئی ویڈیو میں سنا جا سکتا ہے کہ ایک چھوٹی بچی جو ممکنہ طور پر وامیکا ہی ہے، والدہ کو Mumma کہہ کر پکار رہی ہیں۔

گزشتہ دنوں اداکارہ انوشکا شرما نے اپنے سوشل اکاؤنٹ کی اسٹوری پر ایک پوسٹ جاری کی تھی جس میں میڈیا کا شکریہ ادا کیاتھا۔

انوشکا شرما نے اپنے پوسٹ میں لکھا تھا کہ ہم نے بطور والدین  وامیکا کی لی جانے والی تصاویر منظر عام پر  نہ لانے کی درخواست کی تھی جسے پورا کیا گیا۔

انہوں نے کہا تھا کہ ہم نہیں چاہتے تھے کہ وامیکا کو منظر عام پر لایا جائے لیکن کسی نا کسی صورت وہ لوگوں کی نظروں میں آجاتی ہے۔

اداکارہ کا کہنا تھا کہ میں اپنے تمام فینز اور میڈیا کے لوگوں کا شکریہ ادا کرنا چاہتی ہوں کہ جنہوں نے ہماری درخواست پر  وامیکا کی تصاویر کو سوشل میڈیا پر پوسٹ نہیں کی اور آگے بھی توقع کرتے ہیں کہ ایسا ہی ہوگا۔

اداکارہ نے کہا تھا کہ ہر ایک کو اپنی زندگی اپنی مرضی کے مطابق گزارنے کا حق ہے اور ہم امیڈ کرتے ہیں کہ ہمراے فینز اور فالوورز ہماری پرائیوسی اور ذاتی زندگی کا خیال رکھیں گے۔