پاکستان شوبز انڈسٹری کی معروف جوڑی سجل علی اور احد رضا میر کی علیحدگی کی خبروں پر اُن کی مینجر نے ردّعمل دے دیا۔
گزشتہ دنوں سے سوشل میڈیا پر سجل علی اور اُن کے شوہر احد رضا میر کے درمیان علیحدگی کی خبریں زِیر گردش ہیں اور مختلف ڈیجیٹل خبر رساں اداروں کی جانب سے بھی یہ خبریں شائع کی جارہی ہیں۔
ان افواہوں پر سجل علی اور احد رضا میر کی مینجر نے ڈیجیٹل خبر رساں ادارے پر شدید برہمی کا اظہار کرتے ہوئے کہا کہ یہ شرمناک صحافت ہے کہ آپ اپنی ریٹنگز کے لئے کسی کی ذاتی زندگی سے متعلق بےبنیاد خبریں شائع کریں۔
اس جوڑی کے مداحوں کا کہنا ہے کہ سجل اور احد علیحدہ نہیں ہوئے ہیں اور ہماری دُعا ہے کہ وہ دونوں ہمیشہ خوش اور ساتھ رہیں۔
واضح رہے کہ اداکارہ سجل علی اور احد رضا میر سال 2020ء میں لاک ڈاؤن کے دوران بیرون ملک چند قریبی دوستوں اور رشتے داروں کی موجودگی میں سادگی سے رشتۂ ازدواج میں منسلک ہوئے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News