بالی ووڈ کی اکثر فلموں میں کام کرنے والی مشہور شخصیات فلموں میں معاوضہ لیے بغیر کام کرتی ہیں۔

اداکار شاہ رخ خان نے فلم بھوت ناتھ میں بنا معاوضے کے ایک چھوٹا سا کردار ادا کیا تھا۔

اداکارہ پریانکا چوپڑا نے فلم بلّوباربر میں ایک گانا جس کا نام یو گیٹ می راکنگ اینڈ سیلنگ کے لئے کوئی معاوضہ وصول نہیں کیا تھا۔

اسی طرح اداکارہ دیپیکا پڈوکون  جو کہ سب سے زیادہ معاوضہ لینے والی اداکاراؤں میں سے ایک ہیں۔

انہوں نے اپنی پہلی فلم اوم شانتی اوم کا معاوضہ وصول نہیں کیا تھا اور اس فلم میں مرکزی کردار بالکل مفت ادا کیا تھا۔

اسی طرح اداکارہ رانی مکھرجی نے بھی بالی ووڈ کو کئی سپرہٹ فلمیں دیں،انہوں نے فلم کبھی خوشی کبھی غم کے لئے کرن جوہر سے کوئی معاوضہ نہیں لیا تھا۔

بالی ووڈ کے دبنگ اداکار سلمان خان  نے سن آف سردار اور تیس مار خان جیسی کئی فلموں میں مختصر کردار بنا معاوضے کے ادا کیے تھے۔

بالی ووڈ اداکارہ سونم کپور نے فرحان اختر کی فلم بھاگ ملکھا بھاگ میں کام کرنے کے لئے صرف گیارہ روپے لئے تھے۔

بھارتی اداکارہ کرینہ کپور نے ایک نہیں بلکہ دو فلموں  میں بغیر معاوضہ لئے کام کیا تھا جس میں فلم بلّو باربر کے گانے مرجانی اور فلم دبنگ 2 کے گانے فیویکول شامل تھا۔

اس کے علاوہ اداکارہ کترینہ کیف نے فلم اگنی پتھ کا  گانا چکنی چمیلی بغیر معاوضہ لئے شوٹ کروایا تھا۔

کترینہ کیف کے اس گانے کے لیے معاوضہ نہ لینے کی وجہ ہدایتکار کرن جوہر اور اُن کی دوستی تھی۔

اداکارہ سوناکشی سنہا نے اداکار اکشے کمار کی فلم باس کے گانے پارٹی آل نائٹ کے لئے کوئی فیس نہیں لی تھی۔

بالی ووڈ اداکار شاہد کپور نے فلم حیدر میں بغیر معاوضے کے کام کیا تھا اور یہ فلم کشمیر کے نوجوانوں پر بنائی گئی تھی، شاہد کپور کو اس فلم کے لئے فلم فیئر ایوارڈ میں بہترین اداکار کا ایوارڈ بھی دیا گیا تھا۔