معروف ترین ملٹی ٹیلنٹڈ ٹک ٹاکر ربیکا خان بول انٹرٹینمنٹ فیملی کا حصہ بن گئی ہیں اور جلد آپ کی اسکرینز پر پاکستان کے سب سے منفرد اور زبردست شو “بول کا پاکستان” کی میزبانی کرتی نظر آئیں گی۔

ایک طرف جہاں ان کے مداح انہیں بطور میزبان دیکھنے کے لیے بے تاب ہیں، تو وہیں سوال کیا جارہا ہے کہ کیا ربیکا خان کے شو “بول کا پاکستان“ میں ان کے ساتھ کوئی اور ٹک ٹاکر بھی ہوگا؟

تو جواب یہ ہے کہ فی الحال ربیکا خان کے علاوہ ان کے شو “بول کا پاکستان“ میں انہیں مزید کوئی ٹک ٹاکر جوائن نہیں کرے گا۔

خیال رہے کہ ربیکا خان پاکستانی شوبز میں پہلی بار ٹی وی شو ہوسٹ کرنے کا اعزاز حاصل کرنے والی معروف ترین ٹک ٹاکر بن گئی ہیں۔

بول انٹرٹینمنٹ کے پلیٹ فارم سے ربیکا خان کا نیا شو “بول کا پاکستان” کیا ہے؟

بول انٹرٹینمنٹ اپنے مداحوں کے لیے ایک اور منفرد پروگرام لارہا ہے جسے پاکستان کی تاریخ میں پہلی بار کوئی ٹک ٹاکر ہوسٹ کریں گی۔

پاکستان کی نامور ٹک ٹاکر ربیکا خان کی میزبانی میں “بول کا پاکستان“ 23 جنوری اتوار سے ہر ہفتے شام 4 سے 5 بجے بول انٹرٹینمنٹ پر نشر ہوگا۔

پروگرام کے ذریعے میزبان ربیکا خان عوام کو پاکستان کے مختلف اور دلچسپ رنگ دکھائیں گی۔

ربیکا خان آپ کو ملوائیں گی ملک میں موجود پوشیدہ ٹیلنٹ سے اور سنائیں گی آپ کو کامیابیوں کی متاثر کن کہانیاں۔

بول نیٹ ورک کے آفیشل یوٹیوب چینل پر پروگرام “بول کا پاکستان“ کے مختلف پروموز بھی جاری کیے گئے ہیں، جنہیں مداحوں کی جانب سے خوب سراہا جارہا ہے۔

ٹک ٹاکر ربیکا خان کے مداح انہیں چھوٹی اسکرین پر دیکھنے کے لیے بے تاب دکھائی دیتے ہیں۔