گلوکارہ و اداکارہ حدیقہ کیانی نے نور مقدم کیس کے انصاف کا مطالبہ کردیا۔

حدیقہ کیانی نے سماجی رابطے کی ویب سائٹ ٹوئٹر پر اپنے حالیہ پیغام میں کہا کہ اب تاخیر، بہانے اور پاگل پن بہت ہوگیا ، اب نور کو انصاف مل جانا چاہئیے۔

گلوکارہ نے لکھا کہ ایک اور دن ،ایک اور مرتبہ طاقت کا غلط استعمال کیا جارہا ہے ،ثبوت اور مقتولہ پر الزام لگایا جارہا ہے۔

Another day and another obscene abuse of power, evidence and victim blaming. #NoorMuqaddam’s story shall not be forgotten, we demand justice and we demand it now! Enough with the delays, the excuses and the insanity. We demand justice for Noor. Enough is enough

Advertisement

— Hadiqa Kiani (@Hadiqa_Kiani) January 25, 2022

انہوں نے ہیش ٹیگ نور مقدم کا استعمال کرتے ہوئے کہا کہ ہم نور مقدم کی کہانی نہیں بھولیں گے، ہم انصاف مانگتے ہیں اور مانگتے رہیں گے۔

خیال رہے کہ گزشتہ برس 20 جولائی کو تھانہ کوہسار کی حدود ایف سیون فور میں 27 سالہ لڑکی نور مقدم کو تیز دھار آلے سے قتل کیا گیا تھا۔

اسلام آباد کی ڈسٹرکٹ سیشن عدالت میں نور مقدم قتل کیس کی سماعت ایڈیشنل سیشن جج عطاء ربانی کی عدالت میں کی گئی۔

 پراسیکیوٹر رانا حسن عباس اور مرکزی ملزم ظاہر ذاکر جعفر کے وکیل سکندر ذوالقرنین بھی عدالت میں پیش ہوئے۔

تفتیشی افسر نے جرح کے دوران بتایا کہ گرفتاری کے وقت مرکزی ملزم ظاہر جعفر کی پینٹ کو نہ خون لگا ہوا تھا اور نہ ہی چاقو پر ظاہر جعفر کے فنگر پرنٹس تھے، تفتیش میں ہمسائیوں اور کسی چوکیدار کا بیان نہیں لیا اور نہ ہی گھر کے اردگرد کیمروں کی ریکارڈنگ لی گئی۔

گزشتہ روز سماعت کے دوران مرکزی ملزم ظاہر جعفر کمرہ عدالت میں غنودگی کی حالت میں زمین پر بیٹھا رہا۔

عدالت نے نور مقدم قتل کیس کی سماعت 26 جنوری تک ملتوی کر دی۔