اداکارہ لارادتہ کا اکشے کمار اور سلمان خان سے متعلق اہم انکشاف

ویب ڈیسک

18th Jan, 2022. 11:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکارہ لارادتہ کا اکشے کمار اور سلمان خان سے متعلق اہم انکشاف

بالی ووڈ اداکارہ لارادتہ نے بھارتی اداکار اکشے کمار، سلمان خان اور سنجے دت سے متعلق اہم انکشاف کیا ہے۔

لارا دتہ نے ایک ویب شو کو انٹرویو دیتے ہوئے بتایا کہ مجھ سے اکثر میرے ساتھی اداکاروں کی دلچسپ عادتوں کے بارے میں سوال کیا جاتا ہے جو سالوں سے نہیں بدل سکیں اور ان کے چاہنے والوں کو بھی معلوم نہیں ہیں۔

اداکارہ نے کہا کہ اکشے کمار صبح ہونے سے پہلے ہی اٹھ جاتے ہیں اور میرے خیال سے اتنا جلدی تو کوئی بھی نہیں اٹھتا ہوگا۔

انہوں نے اداکار سلمان خان کے بارے میں بتاتے ہوئے کہا کہ وہ واحد اداکار ہیں جو آدھی رات کو نیند سے جاگ کر بیٹھ جاتے ہیں، انہیں اکثر رات میں فون آتے رہتے ہیں۔

لارادتہ نے سب سے آخر میں اداکار سنجے دت کے بارے میں بتایا کہ وہ بہت شرمیلے ہیں اور وہ لوگوں سے زیادہ میل جول نہیں رکھتے، اتنے بڑے اسٹار کی یہ عادت اب بھی برقرار ہے۔

واضح رہے کہ لارا دتہ نے 2003ء میں اکشے کمار کے ساتھ فلم انداز سے اپنے کیئریئر کی شروعات کی تھی جبکہ 2005ء میں فلم نو انٹری میں سلمان خان کے ساتھ اداکاری کی۔

اداکارہ لارا دتہ کو آخری بار فلم بیل باٹم میں سابق بھارتی وزیر اعظم اندرا گاندھی کا کردار ادا کرتے ہوئے دیکھا گیا تھا۔