پاکستان کے نامور اداکار زاہد احمد کا کہنا ہے کہ انٹرنیشنل پلیٹ فارم پر پاکستانی آرٹسٹ کی موجودگی ہمارے لئے اعزاز کی بات ہے۔

اداکار زاہد احمد نے اپنے انسٹاگرام اکاؤنٹ کی اسٹوری پر ایک بیان جاری کیا ہے جس میں انہوں نے پاکستان کے تاریخی کرداروں کے  ادا کیے جانے پر بات کی ہے۔

اداکار نے اپنے پیغام میں لکھا ہے کہ ہمیشہ ہی یہ دیکھنے میں آیا ہے کہ پاکستان کے تاریخی کرداروں کو ادا کرنے والے یا تو ہالی ووڈ آرٹسٹ ہوتے ہیں یا پھر بالی ووڈ کے آرٹسٹ ہوتے ہیں۔

انہوں نے بتایا ہے کہ ایسا اس لئے ہوتا ہے کیونکہ پاکستانی آرٹسٹ کے پاس کوئی انہیں پیش کیے جانے کا کوئی ذریعہ نہیں ہے لیکن اب یہ موقع ہمایوں سعید کو ملا ہے جو کہ واقعے بڑے اعزاز کی بات ہے۔

زاہد احمد کا کہنا ہے کہ ’دی کراؤن‘ میں ڈاکٹر حسنات کا کردار پیش کرنے کے لئے اداکار ہمایوں سعید کا انتخاب ہماری انڈسٹری کے لئے اعزاز کی بات ہے اور افسوس اس وقت کیا جاسکتا تھا کہ جب یہ کردار کسی دوسری انڈسٹری کے آرٹسٹ کے ذریعے پیش کیا جاتا ۔

خیال رہے کہ پاکستانی اداکار ہمایوں سعید کے متعلق یہ واضح  ہے کہ وہ نیٹ فلیکس کے شو میں ڈاکٹر حسنات کا کردار ادا کریں گے۔