بھارتی اداکار نواز الدین صدیقی بالی ووڈ کے معروف اور مقبول اداکار ہیں جنہوں نے اپنی صلاحیتوں کی بنا پر بہت نام کمایا ہے۔

سال 2022 اداکار نواز الدین صدیقی کے لئے بہترین ثابت ہونے والا ہے کیونکہ اس سال اداکار بیک ٹو بیک بلاک بسٹر فلموں میں نظر آئیں گے۔

اس حوالے سے جاری رپورٹس میں بتایا گیا ہے کہ رواں سال نواز الدین صدیقی کو 5 مختلف روپ میں دیکھا جائیگا جس کی فہرست بھی جاری کردی گئی ہے۔

اپنے مخلتف کرداروں کے متعلق بات کرتے ہوئے اداکار کا کہنا ہے کہ میں ہمیشہ یہ کوشش کرتا ہوں کہ جو بھی کردار کروں وہ الگ اور منفرد ہو۔

انہوں نے کہا ہے کہ اپنے معیار اور مرضی کے مطابق کردار ادا کرنا کوئی مشکل بات نہیں ہے لیکن میں ایسا کرنے کا قائل نہیں ہوں۔

اداکار نے کہا ہے کہ اگر میں ایک جیسا ہی کردار ادا کرتا رہوں گا تو کچھ نیا دیکھنے کو نہیں ملے گا اور نا ہی عوام مجھے بار بار ایک ہی روپ میں دیکھنا پسند کریگی۔

خیال رہے کہ ٹھیٹر اور معمولی کرداروں سے اپنے اداکاری کے کیریئر کا آغاز کرنے والے اداکار نواز الدین صدیقی نے اپنی صلاحیتوں کی بناء پر انڈسٹری میں اپنی جگہ بنائی ہے۔

اداکار آج انڈسٹری کے علاوہ او ٹی ٹی پلیٹ فارمز پر بھی اپنی اداکاری کا لوہا منواتے ہوئے نظر آرہے ہیں۔