کپل شرما نے اپنے کیریئر کا آغاز کیسے کیا؟ اداکار نے بتادیا

ویب ڈیسک

20th Jan, 2022. 09:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کپل شرما نے اپنے کیریئر کا آغاز کیسے کیا؟ اداکار نے بتادیا

معروف بھارتی کامیڈین و اداکار کپل شرما نے اپنے کیریئر کے ابتدائی دنوں کے بارے میں بتادیا۔

کپل شرما نے بتایا کہ اگر وہ ان دنوں کے بارے میں لوگوں کو بتائیں کہ انہوں نے ممبئی میں دن کیسے گزارے تھے تو وہ ہنسیں گے۔

اداکار نے بتایا کہ میں نے پہلے بی ایس ایف کے لئے کوشش کی اور پھر آرمی میں گیا کیونکہ میرے والد اور چچا پولیس فورس کا حصہ رہے تھے لیکن والد صاحب کافی موسیقاروں کو جانتے تھے تو انہوں نے ہی مجھے ان سے ملوایا اور وہ چاہتے تھے کہ میں کچھ بڑا کام کروں۔

انہوں نے کہا کہ مجھے یاد ہے جب میں پہلی بار اپنے دوستوں کے ساتھ ممبئی آیا تو ہم لوگ جوہو کے علاقے میں گھومتے رہے اور ڈائریکٹرز کو دیکھتے رہے۔

کپل شرما کا کہنا تھا کہ اس وقت سے اب تک چیزیں کافی تبدیل ہوئی ہیں، اس ممبئی نے میرے جیسے اسکوٹر والوں کو لوگوں کو تفریح فراہم کرنے کے لئے اسٹیج پر کھڑا ہونے کا موقع دیا۔

واضح رہے کہ کپل شرما جلد ہی اپنے پہلے نیٹ فلیکس اسٹینڈ اپ اسپشل، کپل شرما، آئی ایم ناٹ ڈن یٹ میں نظر آئیں گے۔