سام سنگ نے اپنی رنگ ٹون کی اینی میٹڈ ویڈیو بھی ریلیز کردی

ویب ڈیسک

23rd Feb, 2022. 01:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سام سنگ نے اپنی رنگ ٹون کی اینی میٹڈ ویڈیو بھی ریلیز کردی

سام سنگ کی ایک مشہور رنگ ٹون اوور دی ہورائزن دنیا بھر میں مقبول ہے اور ہر سال اس میں کچھ تبدیلیاں کی جاتی ہیں۔ اب اس میں بعض تبدیلیاں کرکے اس کی اینی میٹڈ ویڈیو بھی جاری کی گئی ہے۔

یہ قدرے تبدیل شدہ رنگ ٹون اس سال لاس اینجلس کے مشہور کمپوزر کائفر شیکلفورڈ نے بنائی ہے۔ اب ایسے سام سنگ گیکسی ایس 22 میں شامل کیا گیا ہے۔ اس بار رنگ ٹون کو خصوصی پزیرائی بھی ملی ہے۔

لیکن یاد رہے کہ اس کی اینی میشن بھی معمولی فنکار نے نہیں بنائی ۔ اس اینی میشن کے خالق فِل بیڈریو ہیں جو گرامی ایوارڈ کے لیے نامزد ہوچکے ہیں۔ اس سال کی تھیم کا نام نئی دنیا رکھا گیا ہے جو عالمگیر وبا کے بعد دنیا کو ایک نئی امید دلاتی ہے۔ ویڈیو میں لوگوں کو وبا سے پہلے کی دنیا میں مسرور اور بے فکر دکھایا گیا ہے۔

سام سنگ نے کہا ہے کہ وہ دنیا کو ایک امید دلانا چاہتے ہیں۔ یہی وجہ ہے کہ نئی رنگ ٹون اور اینی میشن پر کافی محنت کی گئی ہے۔ موسیقی اور اینی میشن میں دنیا کے ممتاز تخلیق کاروں نے اپنا اپنا کردار ادا کیا ہے۔