برطانوی شاہی خاندان سے علیحدگی اختیار کرنے والے شہزادہ ہیری کی اہلیہ میگھن مارکل نے ویلنٹائن ڈے کے حوالے سے خصوصی پیغام دیا ہے۔

انہوں نے اپنے پیغام میں کہا کہ آپ کو اس دن لطف اندوز ہونے کے لئے زندگی میں کسی پارٹنر کی ضرورت نہیں ہے،وہ سمجھتی ہیں انسان کو خود اپنا ویلنٹائن بننے کی ضرورت ہے۔

شہزادہ ہیری کی اہلیہ نے کہا کہ اس دن کو منانے کے لئے وائن، کپڑے اور کچھ زبردست قسم کے تحائف خریدیں۔

میگھن مارکل نے کہا کہ اُن کےخیال میں اس خوبصورت رات کے لئے کھانا پکانا چاہئیے چاہے صرف اپنے لئے ہی کھانا بنائیں اور اپنا پسندیدہ لباس پہنیں، اپنے لئے کچھ پھول خریدیں اور خود سے محبت کا جشن منائیں۔

شہزادہ ہیری کی اہلیہ نے کہا کہ وہ اس دن کو منانے کے لئے نیویارک کی گلیوں میں دوڑنا چاہتی ہیں، گلابی رنگ کی کوک ٹیل پینا چاہتی ہیں اور گلیوں کی ٹھنڈک کو اپنے نئے جوتوں سے محسوس کرنا چاہتی ہیں جوکہ وہ اپنے آپ کو تحفے میں دیں گی۔

میگھن نے کہا کہ وہ اس دن ان لوگوں کو جن سے اُنہیں محبت ہے اور اپنے آپ کو ٹریٹ دینا چاہتی ہیں۔

اُنہوں نے کہا کہ وہ بہت محنت کرتی ہیں اور وہ اس دن کو منانے کے لئے کسی کا انتظار نہیں کرنا چاہتی۔

شہزادہ ہیری کی اہلیہ نے کہا کہ چاہے زندگی میں کوئی خاص انسان موجود ہو یا آپ کے پاس اچھے دوست ہوں یا پھر آپ اکیلے ہوں، یاد رکھیں سب سے زیادہ اہم بات خود سے محبت کرنا بہت ضروری ہے۔

خیال رہے کہ میگھن مارکل نے اپنے ان خیالات کا اظہار لائف اسٹائل بلاگ میں 2015 میں کیا تھا جوکہ اس سال ویلنٹائن ڈے پر ایک بار پھر سے منظرِ عام پر آگیا۔

اُنہوں نے جس سال یہ خصوصی پیغام اپنے مداحوں کے لئے جاری کیا تھا اس سے کچھ عرصہ پہلے ہی اُن کی اپنے پہلے شوہر ٹریور اینجلسن سے طلاق ہوئی تھی۔