بول انٹرٹینمنٹ کے مقبول ترین شو ’’بچہ لوگ گیم شو‘‘ کے مختلف سیگمنٹس میں بچوں کے درمیان دلچسپ مقابلے جاری ہیں۔

پاکستان کے نمبر انٹرٹینمنٹ چینل ’بول انٹرٹینمنٹ‘ پر نشر ہونے والے بچوں کے مقبول ترین پروگرام ’’بچہ لوگ گیم شو‘‘ نے مقبولیت کے پچھلے تمام ریکارڈ توڑ دیے ہیں اور اداکار احمد علی بٹ کی میزبانی میں ہونے والے پروگرام کو سوشل میڈیا پر بہت سراہا جارہا ہے۔

’بچہ لوگ گیم شو‘ میں شرکت کرنے والی ٹیموں کے درمیان ٹائی دی ناٹ سمیت مختلف گیمز کے مقابلے کروائے گئے جس میں زیادہ تر مقابلوں میں بلیو ڈولفنز دیگر ٹیموں پر حاوی رہی جب کہ بچوں نے ان گیمز کو بھرپور انجوائے کیا۔

اس دوران پروگرام کے میزبان احمد علی بٹ بھی بچوں کے ساتھ خوب ہلہ گلہ کرتے اور گانا گاتے دکھائی دے رہے ہیں جب کہ وہ گیمز کے دوران بچوں کی حوصلہ افزائی کرتے ہوئے بھی دکھائی دیے۔

اس سے قبل ایک پرومو میں میزبان احمد علی بٹ نے کہا کہ اب تک پروگرام کی 3 قسطیں نشر ہوچکی ہیں اور پانچویں قسط تک ہماری سب سے کمزور ٹیم کو خدا حافظ کردیا جائے گا یعنی وہ ٹیم کپتان اور بچوں سمیت ’ایلیمنیٹ‘ ہوجائے گی اور پھر اگلی قسط میں ایک نئی ٹیم جوائن کرلے گی۔

اداکار احمد علی بٹ کسی تعارف کے محتاج نہیں اور ان کا شمار پاکستان کے ان چند فنکاروں میں ہوتا ہے جنہوں نے چھوٹی اور بڑی اسکرین کے علاوہ موسیقی کے میدان میں بھی اپنا لوہا منوایا جب کہ پروگرام کی میزبانی میں بھی ان کا کوئی ثانی نہیں۔

واضح رہے اداکار وکامیڈین احمد علی بٹ کی میزبانی میں شروع ہونے والا پروگرام ’’بچہ لوگ گیم شو‘‘ ہر ہفتے کی شام 5 بجے بول انٹرٹینمنٹ پر نشر ہوگا۔