پاکستان کی معروف اور باکمال اداکارہ صنم سعید، مریم نواز کا کردار ادا کرنے کی خاطر وائٹننگ انجیکشن لگوانے کے لئے تیار ہوگئیں ہیں۔

 حال ہی میں اپنی نئی فلم کے لئے دیئے جانے والے انٹرویو میں اداکار محب مرزا کے ہمراہ اداکارہ صنم سعید نے بھی شرکت کی۔

اس دوران اداکارہ صنم سعید نے بتایا ہے کہ انہیں سیاست سے کسی قسم کی کوئی دلچسپی نہیں ہے۔

اداکارہ نے انٹرویو کے دوران ان سے مسلم لیگ ن کی نائب صدر کا کردار ادا کرنے کے حوالے سے پوچھا گیا جس کے جواب میں صنم کا کہنا تھا کہ اگر وہ میری رنگت کی ہوتیں تو میں ضرور کرتی لیکن اس کے لئے کسی اور کو کاسٹ کرنا بہتر رہیگا۔

 اس جواب کو سن کر اداکار محب مرزا نے اپنی ساتھ اداکارہ سے پوچھا کہ اگر آپ کو مریم نواز کا کردار ادا کرنے کے لئے وائٹننگ انجیکشن لگوانے کی ضرورت پڑی تو کیا آپ ایسا کریگی؟

اس کے جواب میں صنم سعید نے کہا کہ ہاں میک اپ کر کے یا انجیکشن لگوا کر مریم نواز کا کردار ادا کیا جاسکتا ہے کیونکہ ان کا کردار ادا کرنے میں بہت مزہ آئیگا۔

اداکارہ صنم سعید نے اپنے انٹرویو کے دوران عورت کو عورت کا سب سے بڑادشمن قرار دیا ہے کیونکہ عورتیں ایک دوسرے کے حق میں کم اور خلاف زیادہ بات کرتی ہیں۔