پاکستان کے ٹاپ ہیروز میں سے ایک اداکار عفان وحید نے اپنے خیالات کا اظہار کرتے ہوئے بتایاہے کہ وہ ہیرو کے کردارا ادا کرنے سے تنگ آچکے ہیں۔

حال ہی میں اپنے ایک انٹرویو کے دوران اداکار عفان وحید نے  اپنے کیریئر سمیت دیگر پہلوؤں پر بات کی ہے۔

 اداکار نے بتایا ہے کہ وہ اداکاری میں کچھ نیا کردار ادا کرنے کی خواہش رکھتے ہیں کیونکہ مثبت اور ہیرو والے کردار ادا کرنے سے وہ بیراز ہوچکے ہیں۔

اداکار کا کہنا تھا کہ مجھے لگتا ہے کہ میں اور بھی بہت کچھ کرسکتا ہوں اور آج کل میں ایک اچھی اور الگ اسکرپٹ کے انتظار میں ہوں۔

 انہوں نے کہا ہے کہ کام کرتے رہنا اور اس کا توازن بنائے رکھنا بہت ضروری ہے کیونکہ یہ آپ کی کمائی کا بھی ذریعہ  ہوتا ہے۔

اداکار نے بتایا ہے کہ وہ خود کو ہمیشہ خوش دیکھنا چاہتے ہیں  اسکے علاوہ وہ اپنی  زندگی میں  چاہتے ہیں کہ کم کام کریں لیکن اچھے کام کریں۔

انہوں نے ایوارڈ کے متعلق بات کرتے ہوئے بتایا ہے کہ مجھے اچھا لگتا ہے کہ جب میرے کام کو سہرایا جاتا ہے لیکن یہ ایوارڈز مجھے کسی قسم کی خوشی نہیں دیتے ہیں ۔

انہوں نے اپنے متعلق بات کرتے ہوئے بتایا کہ وہ ایک مکمل شخص نہیں ہیں وہ بھی غلطیاں کرتے ہیں، گرتے ہیں سنبھلتے ہیں اور کام کے لئے بھاگ دوڑ کرتے ہیں  لیکن اس دوڑ میں بھاگتے ہوئے کبھی کبھی ہم غلط فیصلے بھی  کرلیتے ہیں۔

عفان وحید نے بتایا ہے کہ کامیابی صرف آپ کا بھرا ہوا بیک اکاؤنٹ نہیں ہے بلکہ آپ کی اصل کامیابی آپ کا یاد رکھا جانے والا کام اور نام ہے۔