فرانس کے دارالحکومت پیرس میں منعقد کی گئی رنگا رنگ تقریب میں حسیناؤں نے خوب جلوے بکھیرے۔

ہالی ووڈ اور بالی ووڈ کی ہیروئنز کی پسندیدہ  یونان کی ٹاپ فیشن ڈیزائنر سیلیا نے بھی پیرس کے پیلس آف ٹوکیو میں اپنے خوبصورت اور منفرد رنگوں سے تیار کردہ ملبوسات کی نمائش کی ۔

دنیا بھر کے ٹاپ فیشن ڈیزائنرز پیرس میں اپنے قیمتی اور خوبصورت ڈیزائنوں کے ملبوسات متعارف کروانا پسند کرتے ہیں۔

پیرس میں یونان کی ٹاپ فیشن ڈیزائنر سیلیا کریتھاریوٹی جو کہ یونان میں 1906 سے قائم سب سے پرانے فیشن ہاؤس کی مالک ہیں۔

سیلیا اپنی تخلیقی صلاحیتوں سے تیار کردہ خوبصورت ڈیزائنوں کو متعارف کرواتی ہیں، ان کے خوبصورت ترین ، منفرد اور جدید ڈیزائنز قیمتی ریشم اور مخمل کے کپڑے پر خوبصورت ایمبرائڈری اور ہاتھ سے تیار کردہ ملبوسات نے دیکھنے والوں کی توجہ حاصل کرلی۔

رات کے اندھیرے میں چمکنے والے رنگوں سے تیار کردہ ملبوسات کی خوبصورتی نے حاضرین کو اپنے سحر میں جکڑ لیا۔

ماڈلز نے جب سیلیا کے تیار کردہ بیش قیمتی اور خوبصورت اسٹائل کے ملبوسات پہن کر ریمپ پر کیٹ واک کی تو حاضرین پلکیں جھپکانا بھول گئے اور خوب داد دی ۔

 واضح رہے کہ سیلیا کےخوبصورت ترین ملبوسات جینیفر لوپیز اور سونم کپور سمیت کئی فلمی ہیروئنز  بھی زیب تن کرچکی ہیں۔