سونیا حسین کا شمار پاکستانی ڈرامہ اور فلم انڈسٹری کی ایک باصلاحیت اور خوبصورت اداکارہ میں ہوتا ہے۔ سونیا حسین نے کئی مشہور ڈراموں میں بہترین اداکاری کے جوہر دکھائے، ان کے مشہورڈراموں میں ایسی ہے تنہائی، عشق زہے نصیب،  محبت تجھے الوداع اور سراب شامل ہے۔

سونیا حسین ہمیشہ ہر کردار کو اس طرح نبھاتی ہیں جیسے وہ ان ہی کے لئے بنایا گیا ہو، یہی وجہ ہے کہ ان کے مداح ان کو زیادہ سے زیادہ اسکرین پر دیکھنا چاہتے ہیں۔

حال ہی میں سونیا حسین کوایک نجی ٹی کے ایک شو میں مدعو کیا گیا جہاں انہوں نے شوبز کیریئر کے ساتھ ذاتی زندگی کے بارے میں اپنی رائے کا اظہار کیا۔

سونیا حسین اور فریال محمود کے درمیان طویل عرصے سے ایک سرد جنگ جاری تھی جس کا خاتمہ تو ہوگیا لیکن سونیا حسین نے پہلی بار اس کی اصل وجہ سے آگاہ کیا۔

سونیا حسین کا کہنا ہے کہ وہ ہمیشہ سے ہی ایسے ڈراموں میں کام کرتی رہی ہیں جن میں عورت کو مضبوط دکھایاگیا ہو ایک بار جب وہ کسی شوٹنگ کے لئے جارہی تھی تو انہوں نے ایک ڈرامے بے چاری عورت کا بل بورڈ دیکھا اور اسے دیکھ کر وہ چونک گئی یہ کیسانام ہے پھر انہوں نے فیس بک پر اسٹیٹس دیا کہ آج کل کس قسم کے ڈرامے بن رہے ہیں سونیا اس بات سے لاعلم تھی کہ یہ فریال محمود کا ڈرامہ ہےبلکہ وہ صرف نام کے بارے میں ہی کہہ رہی تھی۔

یہ بات درست ہے کہ سونیا حسین نے ڈرامے کے نام اور کہانی پرہی تنقید کی تھی، پھر سہیل جاوید نے بھی اس پر تبصرہ کرتے ہوئے کچھ لکھا،جس کے بعد فریال محمود نے بھی ایک اسٹیٹس لگایا جس میں ان کے ڈرامے کے نام پر تنقید کرنے والوں کو آڑے ہاتھو لیا اور اس طرح یہ بات کافی عرصہ موضوع بحث بنی رہی۔  تاہم اس کے بعد ان کی فریال محمود سےکوئی ملاقات نہیں ہوئی۔

لیکن جب ایوارڈ کی تقریب میں سونیا حسین کو ڈرامے میں بہترین اداکارہ کے ایوارڈ سے نوازا گیا تو فریال محمود نے انہیں بےحد سراہا اورساتھ ہی سنبھالا بھی کیونکہ وہ ایوارڈ لیتے ہوئے بے حد جذباتی ہوگئی تھی۔