پاکستان کی معروف ٹک ٹاکر جنت مرزا اور ان کے منگیتر عمر بٹ کے درمیان علیحدگی نے شدت اختیار کرلی، جس کے بعد نوبت یہاں تک پہنچ گئی کہ عمر بٹ نے جنت مرزا پر ہاتھ اٹھا لیا۔

سوشل میڈیا کی معروف ترین جوڑی کے درمیان دراڑ کی وجہ رابیل شیخ بنیں جو کہ خود بھی ایک سوشل میڈیا سیلیبرٹی ہیں، جنت مرزا، عمر بٹ کے اس رویے سے اتنی دلبرداشتہ ہوئیں کہ انہوں نے خود کو گولی مارلی۔

آپ سوچ رہے ہوں گے کہ اتنا سب کچھ ہوگیا لیکن کسی کو کانوں کان خبر تک کیوں نہ ہوئی؟ تو جناب گھبرائیں نہیں، کیونکہ یہ پوری کہانی سوشل میڈیا کی چہیتی اسٹار جنت مرزا کے نئے گانے کی ویڈیو پر مبنی ہے۔

جی ہاں، دو روز قبل جنت مرزا کا ایک نیا گانا “دل موڑ دے” ریلیز ہوا ہے جس نے سوشل میڈیا پر ہنگامہ مچا دیا ہے۔

معروف گلوکارہ شازیہ منظور کے گائے اس گانے کے خوبصورت بول، دھن اور کہانی نے سننے والوں کو مبہوت کردیا ہے۔

گانے کو صرف دو دن میں ہی ڈھائی ملین کے قریب ویوز مل چکے ہیں، جبکہ سامعین اور ناظرین دونوں کی جانب سے پذایرائی کا سلسلہ جاری ہے۔

مذکورہ گانے میں جنت مرزا کے منگیتر کا کردار ان کے حقیقی منگیتر عمر بٹ نے ادا کیا ہے، جن کا دل رابیل شیخ پر آجاتا ہے۔

رابیل کی وجہ سے جنت اور عمر میں دوریاں بڑھ جاتی ہیں اور بلآخر اس رشتے کا اختتام علیحدگی پر ہوتا ہے۔

ویڈیو میں جنت اس صدمے کو برداشت نہیں کر پاتیں اور خود کو گولی مار لیتی ہیں۔