پاکستانی اداکارہ و ٹی وی میزبان نادیہ خان نے پی پی رہنما شرمیلا فاروقی کے خلاف عدالتی جنگ جیت لی ہے۔

شرمیلا فاروقی نے ایف آئی اے کے سائبر کرائم سیل میں نادیہ خان کے خلاف ہتکِ عزت کا کیس دائر کیا تھا۔

جس کے بعد اداکارہ نادیہ کی جانب سے ہتک عزت نوٹس میں اپنے حق میں فیصلہ آنے کا اعلان سوشل میڈیا پر کیا گیا ہے۔

انہوں نے اپنے سوشل میڈیا اکاؤنٹ انسٹا گرام پر ہیڈ آف ایف آئی اے سائبر کرائم ریاض عمران کی ایک ویڈیو اپلوڈ کی ہے۔

ویڈیو میں ریاض عمران نادیہ خان کے خلاف کیس کے فیصلے سے متعلق بات کر رہے ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Nadia Khan (@outstylewithnadia)

اداکارہ نے یہ ویڈیو شیئر کرتے ہوئے کیپشن میں اللّٰہ کا شکر ادا کیا اور لکھا کہ ہمیشہ سچ کی جیت ہوتی ہے، آپ سب کی حوصلہ افزائی اور ساتھ دینے کا شکریہ۔

نادیہ خان نے ریاض عمران کا شکریہ ادا کرتے ہوئے لکھا کہ ایماندار اور منصفانہ رہنے کے لئے  آپ کا بھی بہت شکریہ۔

خیال رہے کہ ہتک عزت نوٹس میں ایف آئی اے کی جانب سے شرمیلا فاروقی کی جانب سے نادیہ خان پر لگائے گئے الزامات پر کارروائی کرتے ہوئے نادیہ خان کو باعزت بری کر دیا گیا ہے۔

گزشتہ دنوں شرمیلا فاروقی نے نادیہ خان کے خلاف قانونی کارروائی کا اعلان کیا تھا۔

چند دن قبل نادیہ خان نے شرمیلا فاروقی کی والدہ کے ساتھ اداکارہ صبور علی اور علی انصاری کی شادی کے دوران ویڈیو بنائی تھی۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Nadia Khan (@outstylewithnadia)

Advertisement

ویڈیو میں نادیہ خان نے انیسہ فاروقی کے میک اپ کا مزاق بناتے ہوئے کہا تھا کہ آپ کا اتنا حسین میک اپ کس نے کیا اور اس کے ساتھ ہی ان کے کپڑے اور جیولری کی بھی طنزیہ انداز میں تعریف کی تھی۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Sagargram1 (@sagargram1)

Advertisement

اس ویڈیو کو دیکھ کر جہاں دیگر لوگوں نے نادیہ خان پر تنقید کی وہیں شرمیلا فاروقی نے بھی ان کے رویے پر برہمی کا اظہار کرتے ہوئے ان کے خلاف قانونی کارروائی کا اعلان کیا تھا۔

شرمیلا فاروقی نے نجی ٹی وی چینل سے بات کرتے ہوئے نادیہ خان کے رویے کو سستی شہرت کا طریقہ قرار دیا تھا اور ان کے لئے سخت الفاظ بھی استعمال کیے تھے۔

پیپلز پارٹی کی رہنما کا کہنا تھا کہ وہ شوبز کے لوگوں کی بہت عزت کرتی ہیں، فنکار برادری سخت محنت طلب کام کرتے ہیں مگر نادیہ خان کا رویہ ناقابل برداشت تھا کیونکہ ان کی والدہ اس وقت مشکل وقت سے گزر رہی ہیں۔

شرمیلا فاروقی کے مطابق تین ماہ قبل ہی ان کے والد انتقال کر گئے تھے اور ان کی عمر رسیدہ والدہ شوہر کی وفات کے بعد پہلی بار کسی شادی کی تقریب میں گئی تھیں مگر نادیہ خان نے ان کے ساتھ میک اپ کے معاملے پر نامناسب انداز میں ویڈیو بنائی۔

رکن سندھ اسمبلی کا کہنا تھا کہ نادیہ خان کو ایک عمر رسیدہ خاتون کے ہمراہ نامناسب انداز میں ویڈیو بنانے سے قبل کچھ شرم کرنا چاہئیے تھا۔

شرمیلا فاروقی نے بتایا کہ انہوں نے والدہ کے ہمراہ ویڈیو وائرل ہونے کے بعد نادیہ خان کو مسییج بھی کیا تھا جس پر میزبان نے انہیں کہا کہ انہوں نے کوئی غلط ویڈیو نہیں بنائی اور نہ ہی انہوں نے کوئی نامناسب سوال پوچھا ہے اس لئے ان کے خلاف واویلا بند کیا جائے۔

انہوں نے کہا کہ اگر میزبان ان کی والدہ کے بجائے کسی اور خاتون کے ساتھ بھی ایسی ویڈیو بناتیں تو بھی ان کے خلاف ایکشن لیتیں۔

شرمیلا فاروقی نے اعلان کیا کہ وہ نادیہ خان کے خلاف قانونی کارروائی کریں گی اور وہ وفاقی تحقیقاتی ادارے (ایف آئی اے) کے سائبر کرائم کو تحریری درخواست دیں گی جبکہ انہیں عدالت سے بھی رجوع کرنا پڑا تو بھی وہ پیچھے نہیں ہٹیں گی۔

دوسری جانب نادیہ خان کی ویڈیو وائرل ہونے کے بعد عام لوگوں نے بھی ان پر تنقید کی اور میزبان کے رویے کو نامناسب قرار دیا اور لکھا کہ وہ کون ہوتی ہیں دوسرے کے فیشن، لباس اور میک اپ پر سوال اٹھانے والی؟