بول نیوز کے مارننگ شو ’دنیا بول ہے‘ کا ٹیزر ریلیز ہوتے ہی عوام میں مقبولیت کے تمام ریکارڈ توڑ دیے۔

پاکستان کے نمبر ون نیوز چینل بول پہلی بار مارننگ شو کا آغاز کرنے جارہا ہے جو پاکستان کا نمبر ون شو ہوگا کیوں کہ اس میں عوام کی دلچسپی کے تمام سیگمنٹس رکھے گئے ہیں۔

یہ بھی پڑھیں: طلحہ جتوئی اور وردہ شعیب ’’ دنیا بول ہے ‘‘ کی میزبانی کریں گے

نامور ہوسٹ طلحہ جتوئی اور شیف وردہ شعیب کی میزبانی میں شروع ہونے والے مارننگ شو ’’دنیا بول ہے‘‘ کا ٹیزر بول نیٹ ورک کے آفیشل یوٹیوب چینل پر ریلیز کیا گیا جس نے مقبولیت کے تمام ریکارڈ توڑ دیے۔

سوشل میڈیا پر صارفین کی جانب سے بول نیوز کا مارننگ شو ’دنیا بول ہے‘ کو نمبر ون مارننگ شو قرار دیا جارہا ہے۔ صارفین کا کہنا ہے کہ ’دنیا بول ہے‘ بول کے دیگر ہٹ پروگرامز کی طرح ہی نمبر ون مارننگ شو ہوگا۔

ایسا پہلی بار نہیں ہوا جب بول نیوز کی جانب سے اپنے ناظرین کے لیے کچھ منفرد کیا جارہا ہو بلکہ بول انتظامیہ کی جانب سے اس طرح کے دلچسپ پروگرامز لانے کی پرانی روایت ہے جسے ایک بار پھر برقرار رکھا گیا ہے۔

بول نیوز پر ’’دنیا گول ہے‘‘ کب آن ایئر کیا جائے گا ، اس حوالے سے سوشل میڈیا صارفین میں بے چینی پائی جاتی ہے تاہم اس حوالے سے ابھی کوئی حتمی تاریخ سامنے نہیں آئی البتہ یہ مارننگ شو بہت جلد ’بول نیوز‘ پر آن ایئر کیا جائے گا۔