امریکی اداکار ول اسمتھ کی اہلیہ و اداکارہ جاڈا پنکیٹ کا ردِ عمل بھی سامنے آگیا۔

جاڈا پنکیٹ نے اپنے انسٹا گرام اکاؤنٹ پر ایک پوسٹ شیئر کی ہے جس میں اُن کا کہنا ہے کہ یہ وقت شفا یابی کا ہے اور میں اس کے لیے تیار ہوں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Jada Pinkett Smith (@jadapinkettsmith)

Advertisement

ایلوپیشیا بیماری میں مبتلا جاڈا پنکیٹ کی پوسٹ پر مداحوں کی جانب سے حوصلہ رکھنے اور مضبوط رہنے کا مشورہ دیا جا رہا ہے۔

اس سے قبل ول اسمتھ کی والدہ کیرولین اسمتھ  نے بھی اس واقعے پر رِدّ عمل دیا تھا۔

 اُن کا کہنا تھا کہ ول اسمتھ بہت ہی سیدھا اور خوش مزاج انسان ہے، یہ پہلی بار ہوا ہے کہ انہوں نے ول اسمتھ کو اس حالت میں دیکھا۔

ول اسمتھ کی والدہ نے کہا کہ ان کی زندگی میں پہلی بار یہ موقع آیا ہوگا کہ اس نے کسی کو یوں مُکا مارا۔

گزشتہ دنوں سماجی رابطے کی ویب سائٹ ٹوئٹر پر ول اسمتھ کے بیٹے جیڈن نے بھی ردِ عمل دیتے ہوئے لکھا تھا کہ اور ہم اسی طرح کرتے ہیں۔

واضح رہے کہ بہترین اداکار کا آسکر ایوارڈ جیتنے والے ہالی ووڈ ہیرو وِل اسمتھ نے بیوی کا مذاق کرنے والے کامیڈین کرس راک کو تھپڑ مارا تھا۔

VIA JAPANESE TELEVISION: The uncensored exchange between Will Smith and Chris Rock pic.twitter.com/j0Z184ZyXa

— Timothy Burke (@bubbaprog) March 28, 2022

فلمی دنیا کے نامور ترین ایوارڈز آسکرزکی 94 ویں رنگا رنگ تقریب کے دوران ایک ایسا لمحہ بھی آیا جس نے دیکھنے والوں کو پہلے حیران پھر پریشان کر دیا۔

تقریب کے دوران کامیڈین کرس راک نے مہمانوں کو ہنسانے کی کوشش میں اپنے روایتی انداز میں وِل اسمتھ کی بیوی جیڈا پنکٹ اسمتھ کے بالوں کی کٹنگ کے انداز کا مذاق اڑایا اور ایک فلم کے سیکوئل میں کام کرنے سے متعلق تجویز بھی دے دی ۔

اس مذاق پر آسکر ایوارڈ کے ہال میں ایک دم خاموشی چھا گئی اور سب ہی اس مذاق پر حیران ہو گئے۔

کامیڈین کرس راک کے اس مذاق پر ول اسمتھ آپے سے باہر ہوکراسٹیج پر آئے اور کامیڈین کو تھپڑ دے مارا اور پھر واپس اپنی نشست پر جاکر بیٹھ گئے۔

یاد رہےکہ 94 ویں آسکر ایوارڈ میں بہترین اداکار کا ایوارڈ  فلم ”کنگ رچرڈ” پر ول اسمتھ کے نام رہا، جبکہ جیسکا چیسٹین نے ‘دی آئیز آف ٹمی فائے’ کے لیے بہترین اداکارہ کا آسکر جیتا۔