پاکستانی شوبز کی حسین ترین سمجھی جانے والی جوڑی سجل علی اور احد رضا میر کی مبینہ طلاق کے حوالے سے جہاں مختلف خبریں سامنے آرہی ہیں، وہیں اب ان میں ایک اور دعوے کا اضافہ ہوگیا ہے۔

سوشل میڈیا پر راجا مطلوب نامی کانٹینٹ کریئیٹر نے احد رضا کے مبینہ افیئرز سے متعلق کچھ دعوے کئے ہیں۔

راجا مطلوب نے اپنی ویڈیو میں صحافی یاسر شامی کی جانب سے سجل پر لگائے گئے الزام کو بے بنیاد اور جھوٹا قرار دیا۔

صحافی یاسر شامی نے ذرائع کے حوالے دعویٰ کیا تھا کہ احد، سجل کو فلموں میں کام کرنے کی اجازت نہیں دے رہے تھے، سجل نے احد کے فیصلے سے اختلا کیا، جس کے بعد دونوں کے درمیان علیحدگی کی خبریں سامنے آنے لگیں۔

ویڈیو میں راجا مطلوب کا کہنا تھا کہ اگر احد سچ بولیں تو آپ کو پتا چل جائے گا کہ طلاق کی اصل وجہ کیا ہے۔

انہوں نے کہا کہ شوبز شخصیات احد کو جانتی ہیں کہ وہ کس قسم کے انسان ہیں اور وہ کس حالت میں پکڑے جا چکے ہیں، ان کے کتنے افیئرز ہیں اگر وہ یہ بتا دیں تو ان کے پاس بڑا آدمی بننے کا چانس ہے۔

راجا مطلوب نے اپنے ویڈیو پیغام میں سجل کے لیے نیک خواہشات کا اظہار بھی کیا۔

گزشتہ دنوں شوبز صحافی آمنہ عیسانی اور حسن چوہدری نے بھی دعویٰ کیا تھا کہ سجل علی اور احد رضا میر کے درمیان باقاعدہ طور پر طلاق ہو چکی ہے، تاہم اس معاملے پر دونوں  نے تاحال خاموشی اختیار کر رکھی ہے۔