ملکہ الزبتھ اپنے رعب و دبدبے اور سنجیدگی کی وجہ سے لوگوں کے دل میں ایک خاص مقام رکھتی ہیں اور ان کی کچھ مخصوص عادات ہیں جن کے تحت ہی وہ اپنی زندگی گزارنا پسند کرتی ہیں۔

برطانوی میڈیا کی کھوج کے مطابق ملکہ برطانیہ پورے ہفتے میں صرف اتوار کے روز ہی اپنے پرس میں پیسے رکھ کر چرچ جاتی ہیں اور سروس کے اختتام پر ان پیسوں کو چندے کے باکس میں ڈال دیتی ہیں۔

 شاہی ذرائع کے مطابق ملکہ الزبتھ دوئم کے پرس میں لپ اسٹک، شیشہ، نظر کا چشمہ اور ایک پین ہمیشہ موجود ہوتا ہے۔

ملکہ الزبتھ کی یہ عادت ہے کہ وہ جب بھی باہر سفر پر نکلتی ہیں خاص کر بیرونِ ملک سفر پر تو ان کے ساتھ ان کے ڈاکٹرز اور ان ڈاکٹرز کے ساتھ خون کی بوتلیں بھی ہوتی ہیں۔

اس کا مقصد یہ ہوتا ہے کہ اگر ملکہ کو کوئی حادثہ پیش آجائے تو ڈاکٹر فوری طور پر انہیں ہر قسم کی طبی امداد دے سکیں۔

اس کے علاوہ ایک اور دلچسپ بات کہ وہ داڑھی والے مردوں کو پسند نہیں کرتیں اور اسی طرح انہیں بوٹائی لگائے مرد بھی پسند نہیں ہیں۔

اگر کسی تقریب میں وہ بوٹائی والے مرد دیکھتی ہیں تو ان سے فوراً دور ہوجاتی ہیں جبکہ ان کے پوتے ہیری کی داڑھی ہے یا یوں کہہ لیں کہ ہیری بھی اپنی والدہ لیڈی ڈائنا کی طرح روایت شکن شہزادے ہیں جو محل کی روایات کو زیادہ اہمیت دینے کو تیار نہیں لیکن ملکہ الزبتھ ان سے کافی پیار کرتی ہیں۔

ملکہ الزبتھ وہ شخصیت ہیں جن کو آئس کیوبز بالکل پسند نہیں ہیں بلکہ کیوبز کے بجائے ملکہ اپنے مشروبات میں برف کی بالز ڈال کر پیتی ہیں کیونکہ ملکہ کا کہنا ہے کہ مشروب میں کیوبز ڈالنے کی آواز بہت بری لگتی ہے جبکہ برف کے گولے ڈالنے کی آواز خوبصورت ہوتی ہے۔

ملکہ کو برف کے گولے اتنے پسند ہیں کہ ان کے مرحوم شوہر شہزادہ فلپس نے ایک بار برف کے گولے بنانے والی مشین ایجاد کرکے اپنی بیگم کو تحفے میں دی تھی۔