معروف پاکستانی فیشن ڈیزائنر ماریہ بی نے عید الفطر پر اپنے صارفین کے لیے ایک مقدس تحفے کا اعلان کیا ہے۔

انہوں نے اس عید اپنے تمام آؤٹ لیٹس پر  قرآنِ پاک کے انگریزی ترجمے والے نسخے تحفے میں دینے کا اعلان کیا ہے۔

خیال رہے کہ ماریہ ان دنوں عمرے کی سعادت حاصل کرنے کے لیے مکہ مکرمہ میں موجود ہیں۔

انہوں نے وہیں سے ہی اپنے کرم فرماؤں کو یہ مقدس تحفہ دینے کا اعلان کیا ہے۔

فیشن ڈیزائنر نے عمرے کی ادائیگی کے دوران مطاف میں کھڑے ہوکر بنائی گئی ویڈیو اپنے انسٹاگرام پر شئیر کی ہے۔

ویڈیو میں ان کا کہنا تھا کہ کہ ہم ہر سال رمضان المبارک میں قرآن پاک کے کچھ نسخوں کی اشاعت کراتے ہیں اور ماریہ بی اسٹورز سے مفت تقسیم کرتے ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by MARIA.B. (@mariabofficial)

ماریہ نے کہا کہ یہ قرآن پاک کا میرا پسندیدہ انگریزی ترجمہ ہے، ہمارے اس اقدام کا مقصد یہ ہے کہ لوگوں کو قرآن سے قریب کیا جائے اور خصوصاً بچوں کو قرآن کا مطلب بتائیں اور اس کی روح  کے بارے میں بات کریں۔

ان کا مزید کہنا تھا کہ پاکستان میں ماریہ بی کے تمام اسٹورز پر یہ نسخے بالکل مفت دستیاب ہیں۔

انہوں نے ویڈیو میں دعا کی کہ اللہ پاکستان کے لیے بہتریاں لائے، ہم سب کی مشکلات ختم کرے اور ہماری دعائیں قبول کرے۔