دنیا بھر میں رومانس کے لیے مشہور بولی وڈ کے بادشاہ شاہ رخ خان ویسے تو اپنی اہلیہ گوری خان کے ساتھ ہمیشہ ہی کافی خوشگوار موڈ میں نظر آتے ہیں، لیکن اس بار ان کی بیٹی سُہانا خان نے ایک گھریلو راز پر سے پردہ اٹھایا ہے۔

شاہ رخ خان کی ایک ویڈیو منظر عام پر آئی ہے، جس میں بیٹی سہانا اہنی والدہ کی نقل اتارتی نظر آرہی ہیں۔

سہانا نے گوری کی جو نقل اتاری اسے دیکھنے کے بعد صاف ظاہر ہورہا ہے کہ وہ ہر قیمت پر گھر میں نظم و ضبط برقرار رکھنے کے ساتھ ساتھ شاہ رخ خان کے کھانے پینے سے لے کر ہر چھوٹی بڑی بات کا خیال رکھتی ہیں۔

ویڈیو میں نقل کرتے ہوئے سہانا بتا رہی ہیں کہ گوری خان کس طرح سے شاہ رخ پر چیختی ہیں۔

ویڈیو کافی پرانی ہے ، جس میں سہانا بہت چھوٹی نظر آرہی ہیں۔ ویڈیو میں دیکھ کر صاف لگتا ہے کہ سہانا کی عمر شاید 6 یا 7 سال ہوگی۔ اس میں وہ اپنے والد شاہ رخ خان کے ساتھ نظر آ رہی ہیں۔

سہانا خان کے بچپن کی یہ ویڈیو کافی پیاری ہے، جس میں وہ پاپا شاہ رخ خان کے ساتھ آفس میں نظر آ رہی ہیں۔ اس کے علاوہ وہ اپنے پاپا کے ساتھ کافی مزے بھی کرتی نظر آتی ہیں۔

پھر ان سے پوچھا جاتا ہے کہ ماں (گوری خان) پاپا کو کھانے کو کیسے کہتی ہیں؟ تو اس پر سہانا اس پر اپنی ماں کی نقل اتارتی نظر آتی ہیں، وہ بھی بہت پیارے انداز میں۔

سہانا کی پیدائش سال 2000 میں ہوئی تھی اور وہ اب 22 سال کی ہیں۔ سہانا سوشل میڈیا پر چھائی رہتی ہیں۔ اگر وہ کوئی پوسٹ کرتی ہے تو اسے وائرل ہونے میں دیر نہیں لگتی۔ ان کے فلموں میں ڈیبیو کی خبریں بھی ہیں، لیکن اس وقت وہ اپنی پڑھائی میں مصروف ہیں۔