اپنے بے مثال کرداروں سے لوگوں کے دلوں میں جگہ بنانے والے ہالی وڈ کے معروف اداکار جونی ڈیپ کے حق میں اب پاکستانی اداکار بھی بولنے لگے ہیں۔

پاکستانی شوبز سے وابستہ معروف اداکارہ اُشنا شاہ نے بھی اب جونی ڈیپ کے حق میں آواز اٹھا دی ہے۔

جونی اور ان کی سابقہ اہلیہ ایمبر ہیرڈ کے درمیان گھریلو تنازعے پر قانونی جنگ جاری ہے، ایمبر نے 2018 میں  واشنگٹن پوسٹ کے لیے  لکھے گئے ایک کالم میں کہا کہ میں گھریلو تشدد کی نمائندگی کرنے والی عوامی شخصیت بن گئی ہوں۔

انہوں نے اس کالم میں جونی ڈیپ کا نام نہیں لکھا تھا، لیکن اُن کے وکلاء کا خیال تھا کہ یہ بلاواسطہ جونی ڈیپ پر الزام لگایا گیا ہے۔

ریاست ورجینیا کے شہر فیئرفیکس کاؤنٹی میں ٹرائل جاری ہے جسے مکمل ہونے میں کئی ہفتے لگ سکتے ہیں۔

جونی نے عدالت کو بتایا کہ انہوں نے ایمبر سے بحث ضرور کی ہے لیکن کبھی ان پر ہاتھ نہیں اٹھایا، نا ہی زندگی میں کسی عورت کو مارا۔

جونی ڈیپ نے ایمبر ہیرڈ پر 50 ملین ڈالر کے ہرجانے کا دعویٰ کر رکھا ہے۔

اس کے جواب میں ایمبر نے جونی پر 100 ملین ڈالر ہرجانے کا دعویٰ دائر کیا ہوا ہے۔

قبل ازیں عدالت میں ایمبر ہیرڈ نے جونی ڈیپ کی چند تصاویر شیئر کیں جس میں وہ بےخبر سو رہے ہیں۔

ایمبر نے الزام لگایا کہ جونی اتنا زیادہ نشہ کرتے تھے کہ ان کے ہاتھ میں آئس کریم تھی اور وہ صوفے پر نڈھال سو گئے، پوری آئس کریم پگھل کر کپڑوں پر گر گئی۔

جونی نے اپنے دفاع میں کہا کہ وہ 17 گھنٹے کام کرنے کے بعد واپس آئے تھے اور صوفے پر بیٹھے بیٹھے ہی سوگئے تھے۔

انہوں نے کہا کہ یہ آئس کریم ایمبر نے بعد میں ان کے ہاتھ میں رکھ کر تصویر کھینچی۔

ایمبر کی عدالت میں پیش کردہ تصاویر میں جونی ڈیپ کی منشیات کی تھیلیوں اور گولیوں کی بھی تصاویر شامل ہیں۔

جونی ڈیپ نے عدالت میں کہا کہ وہ اچھی اور پرسکون نیند کے لیے قانونی طور پر منظور شدہ نشہ آور اشیا استعمال کرتے تھے۔

اس سارے تناظر میں پاکستانی اداکارہ اُشنا شاہ نے کہا کہ نشہ بہت خطرناک شے ہے۔

اُشنا شاہ نے ایمبر ہیرڈ پر شدید تنقید کی جن کی خود پرستی کی وجہ سے جونی ڈیپ مشکلات میں گھر گئے ہیں۔

Advertisement

Narc abuse is such an ugly thing. Leaves trauma for a very long time.
Screw Amber Heard.

— Ushna Shah (@ushnashah) April 22, 2022

جونی ڈیپ کے دفاع میں معروف خاتون ماڈل آئرلینڈ بالڈوِن نے بھی کہا کہ مجھے معلوم ہے ایمبر جیسی عورتیں کس قدر شاطر ہوتی ہیں۔

انہوں نے کہا کہ یہ ساری دنیا کو مرد کے خلاف کر دیتی ہیں کیونکہ ہم جس معاشرے میں رہتے ہیں اس میں آدمی برے ہیں۔

آئرلینڈ بالڈون نے کہا کہ ایمبر ہیرڈ انسان کے نام پر ایک بدترین تباہی اور بربادی ہیں۔

مختلف شخصیات نے بتایا ہے کہ دراصل ایمبر ہیرڈ خود منشیات استعمال کرتی تھیں اور اب بھی کرتی ہیں اور نشے نے ان پر بہت برے اثرات چھوڑے ہیں۔

ایمبر نشے کی لت کی وجہ سے اپنے کام پر توجہ نہیں دے پاتیں اور انہیں جونی ڈیپ سے اس بات کی بھی بہت پُرخاش تھی کہ جونی تو کام کو اور گھر کو وقت دے رہے ہیں لیکن میں پیچھے رہ گئی۔