پاکستان کی نامور گلوکارہ و اداکارہ حدیقہ کیانی نے سماجی کارکن بلقیس ایدھی کی وفات پر انہیں خراجِ عقیدت پیش کیا ہے۔

انہوں نے سماجی رابطوں کی ویب سائٹس پر جاری کردہ پیغام میں بتایا کہ مجھے نادِ علی دینے والی بلقیس ایدھی جیسا کوئی نہیں ہوگا اور وہ اُن کی ہمیشہ شُکر گزار رہیں گی ۔

حدیقہ کیانی نے اپنی پوسٹ میں لکھا کہ بلقیس ایک عظیم خاتون تھیں جنہوں نے دنیا کا بوجھ اپنے کاندھوں پر اٹھایا اور لوگوں کی مدد کا وسیلہ بنیں۔

Mrs. Bilquis Edhi was a vessel of love and goodwill. She trusted me with being a mother and I, like so many others touched by Mrs. Edhi’s grace and kind soul, will forever be grateful. I pray for her peace and I pray her legacy carries on.

Advertisement

Inna lillahi wa inna ilayhi raji'un pic.twitter.com/bBUTpleGaH

— Hadiqa Kiani (@Hadiqa_Kiani) April 15, 2022

گلوکارہ کا کہنا تھا کہ وہ اس دنیا کو بہتر جگہ بنانے کے لیے کوشش میں تھیں،  یقیناً اللہ کے حضور انہیں ضرورت مند لوگوں کے سائبان کے طور پر پیش کیا جائے گا۔

انہوں نے یہ انکشاف بھی کیا کہ اللہ تعالیٰ نے بلقیس ایدھی کو میرے بیٹے ناد علی تک پہنچنے کا ذریعہ بنایا۔

اداکارہ نے کہا کہ بلقیس ایدھی جیسی عظیم خاتون نے ماں ہونے کے ناطے مجھ پر بھروسہ کیا ، میں اس مہربانی پر ہمیشہ مسز ایدھی کی شکر گزار رہوں گی اور میں بلقیس ایدھی کے بلند درجات کے لیے دعاگو ہوں۔