ایوارڈز کی بات آئے تو 10 گریمیز، 30 امیریکن میوزک ایوارڈز اور دو برِٹس حاصل کرنے والی بین الاقوامی شہرت یافتہ ٹیلر سؤفٹ کو کون نہیں جانتا۔
لیکن حال ہی میں امریکی گلوگارہ کو انتہائی غیر معمولی انداز میں خراج پیش کیا گیا ہے۔ سائنس دانوں کی جانب سے کنکجھورے کی دریافت ہونے والی نئی قسم کا نام ٹیلر سوئفٹ پر رکھا گیا ہے۔
ٹیلر سوئفٹ کی موسیقی کے لیے انجام دی گئی خدمات کے اعتراف میں وِرجینیا ٹیک کے محققین نے نئے دریافت ہونے والے کنکجھورے کا نام نیناریا سوئفٹے رکھا ہے۔
تحقیق کے سربراہ مصنف ڈریک ہینین کا کہنا تھا کہ ٹیلر سوئفٹ کی موسیقی نے ان کو گریجوایٹ اسکول کے مد و جزر سے گزرنے میں مدد دی، لہٰذا کنکھجورے کو ان کا نام دینا ان کو شکریہ کہنے کا ایک طریقہ ہے۔
نیناریا سوئفٹے 17 نو دریافت شدہ اقسام میں سے ایک ہے جو ایپالاشیئن پہاڑیوں سے دریافت ہوئی ہے۔
محققین کے مطابق مُڑے ہوئے پنجوں والا یہ کنکھجورا ماحولیات میں بطور ڈی کمپوزر ایک اہم کردار ادا کرتا ہے۔ پتوں کے کچرے کو توڑتا ہے اور قیمتی اجزاء خارج کرتا ہے۔
جنگل کی زمین پر رہنے والا یہ کنکھجورے کی غذا گلتے ہوئے پتے اور دیگر پودوں کا مواد ہے اور یہ مٹی کے نیچے رہتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News