پاکستان شوبز انڈسٹری کی اداکارہ نیلم منیر نے شوبز انڈسٹری میں آنے سے پہلے کی تمام رکاوٹوں کے حوالے سے بتا دیا۔

 اداکارہ نیلم منیر نے انکشاف کیا ہے کہ ان کی فیملی میں شوبز انڈسٹری میں کام کرنے کی اجازت نہیں ہے۔

 حالیہ انٹرویو میں نیلم منیر نے شوبز کیریئر کی راہ میں آنے والی رکاوٹوں کے حوالے سے بات کی ہے۔

اُنہوں نے بتایا کہ ایک پشتون گھرانے سے تعلق ہونے کی وجہ سے میری بہنیں سوشل میڈیا پر اپنی تصویریں بھی اپلوڈ نہیں کرسکتیں اور نہ ہی ہمیں شوبز انڈسٹری میں کام کرنے کی اجازت ہے۔

اداکارہ نیلم منیر نے بتایا کہ’ کسی نہ کسی طرح مجھے اجازت مل گئی کیونکہ میں بچپن سے ہیروئن بننا چاہتی تھی‘۔

اُنہوں نے کہا کہ’ آج تک، میں اس بات کو یقینی بناتی ہوں کہ میں اپنی حدود میں رہوں کیونکہ ایسا کرنا ہی ہمیشہ بہتر رہتا ہے اور اب میرے ناظرین ہی فیصلہ کر سکتے ہیں کہ کیا ان کے خیال میں بالآخر میں اسٹار بن گئی ہوں یا نہیں‘۔

دوسری جانب اداکارہ نیلم منیر کے بارے میں یہ بات سنی جاتی ہے کہ وہ رمضان المبارک کے مہینے میں کام نہیں کرتی ہیں اور اپنا زیادہ وقت گھر میں گزارتی ہیں۔

اُنہوں نے بتایا کہ’لیکن ہمیں یہ موقع سال میں صرف ایک بار ملتا ہے، تو مجھے لگتا ہے کہ ہم گھر میں رہ کر بغیر کسی دباؤ کےاللہ سے اپنا رابطہ مضبوط کرسکتے ہیں اور اسی لیے میں رمضان میں کام نہیں کرتی‘۔